الأحد، ٢٨ ديسمبر ٢٠٠٨

ماذا سيكتب التاريخ؟؟

اننى فقط اتكلم عن التاريخ الذي لايرحم .. التاريخ الذي سيقرأه أطفالنا والأجيال القادمه .. سيكتب في التاريخ أنه كان هناك في فلسطين مجاهدين اشداء أقوياء .. صنعوا من اللاشيء .. بارود حاربوا به اليهود ودافعوا عن أرض الاسراء .. حتى جاءت لهم الخيانه من ظهرهم من البلد كانت دوما عونا لهم ..

سيكتب التاريخ ان الحكومه المصرية ساعدت اليهود على قتل المئات واصابة الآلاف ... انتهى الأمر .. 

هذا الشئ سيكتب سيكتب . .. لكن ماذا سيقولون هل قامت بذلك مصر بأكملها ام الحكومة المصرية فقط .. 

هل سيكتب عن الرفض الشعبي العظيم وكيف الشعب ثار وانتفض عندما وضعتنا هذه الحكومة اللعينه في هذا العار .. هل سيكتب عن الشعب الذي انتفض وخرج في الشوارع بالملايين واحرقوا مجلسي الشعب والشورى ومقر رئاسه الوزراء ودمر اقسام الشرطة ومقر وزارة الداخلية والخارجية .. واتنفضوا واعتصموا الاسابيع امام القصر الجمهوري حتى تدخل الرئيس واقال الحكومة وخضع لإرادة الشعب وامد المقاومة في فلسطين بسيل من المعونات والاعانات والاطباء وقام باعتقال السفير الاسرائيلي .. وامد المجاهديين بالأسلحة وهدد بتدخل الجيش اذا لمن تتوقف اسرائيل وتتراجع .. 

ام سيكتب التاريخ عن شعب جبان ورئيس خاين اشغل الشعب بالبحث عن قوت اليوم وحكمهم بالحديد والنار واسكن الرعب قلوبهم وامات بداخلهم ضميرهم واصبحوا اليوم في اكثر الاوضاع مهانه ومذله.. يتمنون لو تنشق الارض وتبتلعهم .. يضعون رؤوسهم في الوحل حتى لا يرى احد وجوههم التى ارتسم عليها دماء مئات الشهداء والأبرياء..

ربي فاض بنا الكيل .. ربنا انا مغلوبون فانتصر .. اقبض روح حكامنا واريحنا منهم .. ربى اننا نزداد زلاً يوم بعد يوم مما يفعله حكامنا .. اصبحنا عبء على المسلمين في العالم .. العلماء لدينا مجانين كبيرهم مسطول .. والحكام ظالمه .. كبيرهم فرعون .. 

اللهم اننا برآء مما سيكتبه التاريخ .. وانا على وعد بأذن الله انه سيأتى اليوم الذي سيتغيير فيه كل شيء قريبا .. ألا إن نصر الله لقريب.

الأحد، ١٤ ديسمبر ٢٠٠٨

اخيرا


من زمان وانا صغير كنت بشوف اصحابي وكل واحد منهم والده ووالدته يقولوا لهم لو نجحت السنة دي وجبت مجموع كذا هنجيب لك كذا او هنديك كذا .... فانا كنت بتحايل على بابا دايما يعملي حاجة تحفزني حاجة تخليني اجتهد اكتر واشد حيلي .. فكان مش بيرضى ابدا يوعدني بحاجة ...

لكن لما نجحت في الاعداديه ودخلت الثانوية بابا من غير ما يوعدنى بحاجة جاب لي عجله (دراجه) احسن من اللي كنت بحلم بيها .... مرميه في اوضتي دلوقتى والتراب مغطيها ... هههه

 

وكمان في الثانوى لما نجحت بابا وماما جابوا لي كمبيوتر برده كان احسن حاجة موجوده ايامها ... اه هو جابه قبل ما النتيجه تظهر .. لو كانت ظهرت قبلها ما كانوش طبعا هيجيبوا لي حاجة ..

 

بس انا حاسس انه لو كان قالي قبلها كانت هتبقى محفز ليه اكتر انى انجز اكتر واجيب مجموع اعلى ..

 

قريت كتير عن التحفيز ودرست كمان حاجات عنه في الكليه .. لكن للاسف عمره ما اتعمل معايا..

 

لكن المره دي لأول مره في حياتى بابا وعدنى بحاجة لو خلصت السنه دي هيحققها لي .. وهيه حاجة من اهم الاحلام في حياتى .. انا خلاص اخر سنه يعنى كلها 4 شهور او 5 .. واخلص..

 

بجد انا فرحان اوى بالوعد اللي  بابا وعده ليه ... وده اكيد نتيجة دعائي الكتير لربنا ... يارب اخلص السنة دي واخلص بقه علشان احقق حلمى ده ادعووووولي

شكرااااا لكل الناس اللي كانوا بيدعولى قبل كده بجد جزاااااااااااكم الله خيرا ...

كملوا جمايلكم بقه وادعولى ... كمان وكمان وكمان ... علشان مش يحصل اي حاجة وتبوظ الحلم 

D:

الخميس، ١١ ديسمبر ٢٠٠٨

واحد متغاظ منه

امتى يكون الواحد بيخطط لهدف كبير صح وحاطط قرارات وخطوات على مستوى بعيد .. ناتج عن نظرة متعمقه للحياة بشموليتها ... مش تكون قراراته كل 5 دقايق بقرار .. ناتجه عن انه كان شاف فيديو فحمسه اوى لـفلسطين .. فخد قرار انه هيعمل دلوقتى كذا ... وبعد خمس دقايق بعد ما ينسى الموضوع مش يكون متحمس له زي الاول .. شاف فنان صوته حلو حب يكتب عنه ... ويقول لكل الناس صوته حلو .. لكن لو عدت عشر دقايق ينسى ومش يكتب .. لكن ان هو يكون صاحب هدف كبير انه مخصص نفسه ووقت علشان الفن الهادف والراقى ممكن يكون نفسه .. لكن بياخد خطوات لا ..

يكون قاعد في خطبه او كلمه لواحد من علماء المسلمين بيتكلم عن القيام .. خلاص يوصل لمرحله انه هيعيط لكن بعد ما يروح ويقعد في بيته ويتشغل في حياته ابقوا قابلونى لو صلى الفرض في المسجد قيام مين وبتاع مين ...

وحاجات كتيييير اوى 

يا ترى هو ضعيف وولاقوى .. جبان ولا شجاع .. صح ولا غلط .. مش عارف ... ما هو حالات وحالات على حسب المود.

اللي عاوز يكون "حاجة" ويعمل شيء صح ... يقعد مع نفسه كتير ويمسك ورق ويكتب فيه ويخطط ويقطع الورق ويقرا كتب كتير في الحاجات اللي بيفكر فيها ... ويحط اهداف صح .. انا عاوز اعمل كذا ... انا عاوز اعمل كذا... يحط لنفسه خطوات ياخد شوية قرارات..

مش ينفع يفضل كده .. هواه بيتحكم فيه 

يضعف احيانا اوووى ... واحيانا تانيه يكون قوى اوى علشان سمع اغنيه حماسيه او شاف فيديو عن المجاهدين..

عايش جوه احلامه .. بيحلم كتير اوى .. لكن ما فيش افعال .. بيحب النوم اوى علشان بيحب يفضل جوه احلامه ... جواه طاقه كبيره اوى لكن هو مش متعود يستغلها .. نفسه يغيير العالم .. لكن هو مش عمل ولا حاجة ويفضل ولا حاجة طول ما هو كده ...

الانسان اللي زي ده افضله .. يموت ويدفن نفسه ... لو مش قرر يتغيير بجد مش كلام زي كل مره ..

هع .. مجرد رساله لواحد اعرفه 

ادعوا له أنه يتغيير ... يمكن يكون دعائكم مستجاب وربنا يستجيب لكم .. وادعوا لي انا كمان عندي امتحانات .

^__^

انا فرحان علشان في ناس كتير بحبهم خدوا قرارات مهمه في حياتهم
وزعلان برده علشان فيه ناس كتير بحبهم عندهم ظروف صعبه
ادعوا لهم هما كمان بالمره


الجمعة، ٢٨ نوفمبر ٢٠٠٨

احلم معايا .. فيديو

اخيرا بعد طول انتظار فيديو كليب أغنية أحلم معايا لحمزة نمرة

الثلاثاء، ٢٥ نوفمبر ٢٠٠٨

العميد ميت






ياريت الكل يشارك في حمله التضامن مع المدون محمد عادل المشهور بالعميد ميت صاحب مدونة ميت

ده الجروب ع الفيس بوك
http://www.facebook.com/group.php?gid=31768269363

دي بانرات عملتها للمدونات والمواقع

وكمان فيديو منقول من مدونة الشاعر

محمد عادل أقل ما يطلق عليه انه انسااااان
مناضل مصري بيجري في عروقه دماء فلسطينيه

محمد انا بحبه جدااا وهو اكتر من اخويا .. قضيت معاه ايام كتير جميله من قهوة البورصه لنقابه الصحفيين لشقه الرمايه للعتبه .. اشتغلت معاه كتير بجد بجد انسان طيب اوى ...

كنت بحس ان محمد ده عباره عن قضيه فلسطين هو ربنا خلقه علشان يكون متضامن علطول مع الفلسطينين ... مصري مناضل بتجري في عروقه دماء فلسطينيه..

ما تعرفلوش هو تبع ايه هو اصلا اخوان هو اصلا تربية اخوان وكمان عضو في كفايه وصحابه حزب العمل وهو من شباب 6 ابريل .. ومظاهره للاشتراكيين تلاقيه مع حزب الجبهه تلاقيه .. مع حزب الغد تلاقيه .. محمد مش ساب تنظيم معارضه في مصر ومش كان فيه.

كنت معاه قبل ما يعتقل بيوم وكان باعت قبلها رساله بيسلم فيها على عاطف الحسيني بيقوله انهم هيتقابلوا قريب.. انقذنى من الاعتقال يوم قوافل غزة ..

اسيبكم مع الفيديو



الاثنين، ١٠ نوفمبر ٢٠٠٨

هذه البلاد ليست كبلادي

أكتب هذه الكلمات وأنا اتالم من أجل الكثيريين .. أكتب لأعبر عن غضبي وحزنى .. فمهما كانت الآلام إلا أن أشدها هو آلامى على هذه الأمه التى اعجبها تهالكها وضعفها .. وكأن العجز هو ميزه فيها تفتخر به..

في حاله من الفراغ السياسي التى تمر به إسرائيل في تكوين الحكومة الجديدة وأيضا أمريكا بعد الإنتخابات الرئاسية والأزمة الماليه التى عصفت بها .. انتظرت طويلا لكى أسمع خبر يفرحنى .. أي قرار مجرد أي قرار تأخذه الدول العربية والإسلاميه ليرد لهم جزء من كرامتهم الضائعه ...

ولكنى تفآجأت بالعكس تمام .. مزيد من التفرق..

ملك المغرب يتهم الجزائر .. بس الصحراء الموجوده بينهم المختلفين عليها
العراق يضعون خطة أمنية جديدة تهدد مصالح سوريا وتوفر لامريكا قواعد وتواجد دائم بالمنطقة..
السلطة الفلسطينة مازالت تعتقل المجاهدين وترفض أن تخضع لراي الشعب الفلسيطيني المقاوم وتذهب إلى طاوله الحوار التى سيتوحد عليها هذا الشعب وتصر على ان يستمر الوضع كما هو عليه ..
وزير خارجيتنا يقول كلام لامنطقى ... أقل ما يوصف به أنه خيانه للأمه ... فيقول أن أصحاب الأرض الحيقيون الذين بذلوا من دمائهم وأولادهم هم السبب في فشل توحيد الوطن الفلسطيني..

الكارثه الأكبر .. تهافت الحكام المسلمين وحكام العالم لتهنئة الرئيس الامريكي المنتخب وكل منهم يطلب منه طلب وأمنيه وكأنه " استغفر الله العظيم" إلاه هذا العالم ..

تنامى قوى في الشرق وبدايات انهيار قوى في الغرب .. وتغييرات جزريه تحدث في الخريطة السياسيه والاقتصادية في العالم
ونحن لا شيء .. لا نتحرك لانتغيير ..
بل إلى المنحدر الذي يقودنا إلى أسفل أكثر وأكثر..

والذي زاد من حزنى وهمى أكثر وأكثر هو فشل القوى الوطنية في مصر دائما على اتمام اتفاق معا حتى النهاية .. دائما ما تحدث انهيارات..

فرحت كثير لفوز اوباما ... ولكنه فرح يشوبه الحظر ... لقد فرحنا ايضا بفوز بوش سابقا ولكنه جاء بكارثه على العالم .. ربنا يستر


انا اكتب لمجرد أن أخرج من نفسي بعض الاحزان الثقيله ...
دعواتكم للجميع ..

وأدعوا دائما بأن نسمع أخبار تفرحنا فكفى ما أصابنا من الهم والوهن والكسل والفشل.

اما عنى فأنا أعيش في دوامه دعواتكم لى..

السبت، ٢٥ أكتوبر ٢٠٠٨

لخبطة


اتبهدلت الفترة اللي فاتت .. جهازى كان بايظ في 190 فيرس بس كانوا على الجهاز بسبب انى استخدمت اكسبلورر ساعتين.
:D

نزلت الويندوز مرتين علشان كان كل مره اشغل الماسنجر او الجوجل توك مش يشتغل ويدينى الرساله دي ..


Connecting to Google Talk network has failed due to an expired
authentication certificate. The common cause of this expired
certificate is due to time differences between your computer and the
Google Talk network. Please verify your computer's clock settings
are correct and then press Retry.

في الأخر طلع السبب ان التاريخ بتاع الجهاز مش مظبوط وأن حل المشكلة ظبط تاريخ الجهاز بس ..

الأجمل بقه أن التدوينة اللي فاتت مش أنا اللي كاتبها وأنها جزء من رساله من رسايل الإمام البنا .

عارف أن الكلام اللي فيها كبير وتقيل بس انا كنت حاططها لنفسي افكر بيها نفسي بس :D


السبت، ٤ أكتوبر ٢٠٠٨

بين العقلية الغيبية والعقلية العلمية

لقد تذبذب العقل البشري منذ وجد الإنسان علي ظهر الأرض إلى يومه هذا ـ وأغلب الظن كذلك حتى تتداركه هداية من الله ـ بين أطوار ثلاثة ، وإن شئت قلت بين ألوان ثلاثة من ألوان التفكير والتصوير :

1 ـ طور الخرافة والبساطة والتسليم المطلق للغيب المجهول والقوي الخفية البعيدة عنه . فهو ينسب إليها كل شيء ويفسر بها كل شيء . ولا يري لنفسه معها عملاً ولا فكراً ، وكثيراً ما استبد هذا الطور بالإنسان في أدوار حياته الأولي يوم عاش علي هذه الأرض يجهلها وتجهله ، ولعل أقواماً من بني الإنسان لا يزالون يعيشون علي هذا النحو إلى الآن .

2 ـ وطور الجمود والمادية والتنكر لهذا الغيب المجهول ، والخروج علي هذه القوي البعيدة علي حس الإنسان والتمرد علي كل ما يتصل إليها بسبب ، ومحاولة تفسير مظاهر الكون جميعاً محاولة مادية صرفة وفق قوانين تجريبية اهتدي إليها الإنسان بطول تجاربه ودوام بحثه وتفكيره . وكثيراً ما طغى هذا التفكير علي العقل الإنساني في هذه العصور الحديثة ، التي وصل فيها الإنسان إلى الكشف عن كثير من مجهولات الطبيعة ، وعرف فيها الكثير من خواص الكائنات ، فظن أنه واصل لا محالة بهذا الأسلوب إلى معرفة ما هناك ، وإن كان الذي يعرفه بالنسبة إلى ما يجهله كالذرة من الرمال في الفلاة الواسعة الفسيحة .

وفي هذا الدور أنكر الإنسان المادي الألوهية وما يتصل بها والنبوات وما يمت إليها والآخرة والجزاء والعالم الروحي بكل ما فيه ، ولم ير شيئاً إلا هذا العالم الأدنى المحدود يفسر ظواهره بحسب قوانينه المادية الصرفة .

كلا هذين اللونين من ألوان التفكير خطأ صريح وغلو فاحش وجهالة من الإنسان بما يحيط بالإنسان .

3 ـ ولقد جاء الإسلام الحنيف يفصل القضية فصلاً حقاً ، فيقرر حق العالم الروحي ويوضح صلة الإنسان بالله رب الكائنات جميعاً وبالحياة الآخرة بعد هذه الحياة الدنيا ، ويجعل الإيمان بالله أساس إصلاح النفس التي هي من عالم الروح فعلاً والتي لا سبيل إلى صلاحها إلا بهذا الإيمان , ويصف ذلك العالم الغيبي المجهول وصفاً يقربه إلى الأذهان ولا يتنافى مع بدهيات العقول ، وهو مع هذا يقرر فضل هذا العالم المادي وما فيه من خير للناس لو عمروه بالحق وانتفعوا في حدود الخير ، ويدعو إلى النظر السليم في ملكوت السماوات والأرض ، ويعتبر هذا النظر أقرب إلى معرفة الله العلي الكبير . هذا الموقف من الإسلام الحنيف ألزم العقل البشري لوناً من ألوان التفكير ، هو أكملها وأتمها وأكثرها انطباقاً علي واقع الحياة ومنطق الكون ، وأعظمها نفعاً لبني الإنسان : ذلك هو الجمع بين الإيمان بالغيب والانتفاع بالعقل . فنحن نعيش في عالمين فعلاً لا في عالم واحد ، ونحن عاجزون عن تفسير كثير من ظواهر الكون فعلاً ، عاجزون عن إدراك كل الحقائق الأولية التي تحيط بنا . ونحن في إدراكها ننتقل من مجهول إلى مجهول حتى ينتهي بنا العجز إلى الإقرار بعظمة الله ، ونحن نشعر من أعماق قلوبنا بعاطفة الإيمان قوية مشبوبة ، لأن الإيمان من فطرة نفوسنا وهو لها ضرورة من ضرورات حياتها كالغذاء والهواء والماء للأجسام سواء بسواء . ونحن بعد ذلك نلمس أن المجتمع الإنساني لن يصلحه إلا اعتقاد روحي يبعث في النفوس مراقبة الله والتعزي بمعرفته ، ومن هنا كان لزاماً علي الناس أن يعودوا إلى الإيمان بالله والنبوات وبالروح وبالحياة الآخرة ، وبالجزاء فيها علي الأعمال (فَمَنْ يَعْمَلْ مِثْقَالَ ذَرَّةٍ خَيْراً يَرَهُ , وَمَنْ يَعْمَلْ مِثْقَالَ ذَرَّةٍ شَرّاً يَرَهُ) (الزلزلة:7-8) .

كل هذا في الوقت الذي يجب عليهم فيه أن يطلقوا لعقولهم العنان لتعلم وتعرف وتخترع وتكتشف وتسخر هذه المادة الصماء وتنتفع بما في الوجود من خيرات وميزات : (وَقُلْ رَبِّ زِدْنِي عِلْماً) (طـه:114) , وإلي هذه اللون من التفكير الذي يجمع بين العقليتين الغيبية والعلمية ندعو الناس . لقد عاش الغرب أخريات أيامه مادي النزعة لا يشعر بغير المادة ولا يعترف بغير المادة ولا يحس بوجود غيرها حتى ماتت في نفوس أبنائه عواطف الرحمة الإنسانية ، وخبت أنواع الروحانية الربانية . وهيمن الغرب علي الدنيا بأسرها بعلومة ومعارفه ومباهجه وزخارفه وكشوفه ومخترعاته وجنوده وأمواله , وصبغ الفكر البشري في كل مكان بصبغته هذه .

والآن والدنيا كلها تكتوي بهذه النيران تنبثق الدعوة من جانب جديد لتهيب بالناس في الشرق والغرب معاً أن يمزجوا المادة بالروح , وأن يؤمنوا بالغيب والشهادة ، وأن يعترفوا من جديد إلى الله : (فَفِرُّوا إِلَى اللهِ إِنِّي لَكُمْ مِنْهُ نَذِيرٌ مُبِينٌ) (الذريات:50) .

(رسالة .. في طور جديد)

الخميس، ٢٥ سبتمبر ٢٠٠٨

حماس قادمة لا محالة


فضيحة مرة أخرى





الخميس، ١٨ سبتمبر ٢٠٠٨

تجربة فاشله

كنت تكلمت سابقا (التدوينة اللي قبل اللي فاتت) عن انى سأقوم ببدء مرحلة جديده في حياتى .. هذه المرحله صعبه جدا ولم اكن اتخيل مدى صعوبتها كنت اتخيل ان الطريق وردى .. ولكن كانت صدمه كنت افكر في طريق خطأ بعض الشيء للوصل إلى احد اهدافي باسرع الطرق .. ولكن اكتشفت بأنى بهذه الطريقه احطم باقي احلامى واهدافي .. فعدت خطوة للوراء مره اخرى للبدء من الطريق الصحيح أعلم انه قد يكون الطريق الصحيح اطول .. يحتاج منى مجهود خارق للعاده وستأخر عن تحقيق احد اهم احلامى وقد يضيع منى .. ولكن الطرق الاولانى مع انه قصير ولكنى متاكد الان اننى منه .. كنت لن احقق اي هدف فأنا اتخيله قصير واراى سراب لأحلامى .. ولكنى اكتشفت اكيد انه طويل وبدون جدوى .. بنفخ في اربه مخرومه ..


الحياة ليست جنه وليست سهله كما كنت اتخيلها هيه فقط تعطي من يعطيها والعطاء لا يكون من نفس المكان الذي تتخيل انه سيأتي إليك منه وإنما يكون جزاء ورزق من ربك لانك سعيت الى النجاح فيأت هذا النجاح من حيث لا تدري .. مع انى فشلت نعم اقول انى فشلت في اجتياز اول طريق ولكنى تعلمت منه واخذت القرار السريع وبدأت من الطريق الاخر فكان جزاءا من ربي بأن وجدت في بدايه الطريق الثانى اشياء جائت لى بالفعل من حيث لا ادري لكى احقق احلامى ..

ولكن لانى متشائم بعض الشيء لا اتوقع انى سأنجح فيها كلياً ..

الأهداف والاحلام صعبه المنال .. ليست سهله .. فقط تنتصر وتتميز وترى النجاح عندما تكون في اقرب حالاتك مع ربك .. عندما تبتعد عن ربك تجد الهزائم تتوالى ..

للاسف بعد اختياري للطريق الاصح لا اعرف كيف سأحقق هدفى العاجل الذى ان لم اكون الاسرع اليه سيسبقنى اليه شخص اخر .. ولكنى على يقين بأن الله سيحققه لى مادمت افعل ما يرضى واسعى دائما لتحقيقه..

انا في قمه الزهق من نفسي بعد اعتقال اخوانى وبعد اعتبار فشلي في اول تجربة.. ادعولى أكيد ان شاء الله في خلال سنه هكلمكم بوضوح اكتر عن تلك الاهداف والاحلام ..

بالمناسبه حلمت النهارده بانى فشلت في تحقيق احد احلامى وسبقنى اليه اخرون .. مع بعض الهواجس والاحداث الغريبه المرتبطه بالاعتقال وافتقاد انسان احبهم ..

ما تنسوش دعائكم لأخواننا الطلاب خدوا إخلاء سبيل عقبال الافراج ان شاء الله .. ان شاء الله في خلال 24 ساعه يكونوا بين اهاليهم... وتزرف عينهم اهاليهم وأعيننا بالدمع فرحه بقدومهم..

الأربعاء، ١٧ سبتمبر ٢٠٠٨

في جامعتنا 12 بطل



يبدوا أن هذا النظام الفاشي لم يعد لديه شئ يقوم بفعله ... سوى حرق قلوب المزيد والمزيد من المصريين .. والعمل على زياده كراهيه الشعب له .. نظام فاسد عشق عويل النساء وبكاء الأطفال

فساد يطول جميع مناحى الحياه في هذه البلاد ولم يكتفى بذلك بل ايضاً اعتقال من مازال عندهم امل في اصلاح هذه البلد .. اعتقال كل من نجح وتميز.. كل من حاول ان يصلح .. ليس لانهم يصلحون فقط ولكن لان صورتهم لدى الشعب اصبحت افضل من صورته والنظام ليس قادر على ان يقوم بالدور الذي يقومون به ..

"انهم فتية امنوا بربهم و زدناهم هدى"
هذا هو حال هؤلاء الذين اعتبرهم نظامنا الفاسد بأنهم عملاء بل خونه بل اكثر واكثر .. عشر طلاب مازالوا لم يبدأوا حياتهم بعد مازالوا يرون صورة بلادهم خضراء لم يبداوا حياه ما بعد التخرج ويروا عن قرب ما وصلنا اليه من مهانه وعذاب وبهدله..

عشر من الطلاب متميزين في دراستهم ولم يكتفوا بذلك فقط بل زادوا على ذلك أنهم ارادوا ان يقوموا بخدمه طلاب جامعتهم فسعوا إلى نشر القيم والأخلاق وقاموا بمساعده اخوانهم الطلاب في دراسته ولم يتأخروا او يتكاسلوا عن اي خدمه من الممكن ان يقدموها لجامعتهم ويرتقوابالتعليم فيها حتى تكوناحد الجامعات المتميزه ... وفي اثناء استعدادهم لبدايه العام الدراسي فقد بداوا باخذ دورات يأخدها اصحاب الشركات والمسئولين وكبار رجال الدولة على الرغم من صغر سنهم وهي دورات لكيفيه حل المشاكل والأزمات ... حتى يقوموا بحل مشاكل اخوانهم الطلاب ومساعدتهم على التميز ..

فاتفقوا مع استاذ جامعى ليعطيهم هذه الدورة كعمل تطوعى واخر تطوع وقام بالتنسيق بينهم وبين الاستاذ الجامعى ولكن ان رجال ارهاب الدولة المغواريين لم يرقى لهم بال لما يحدث .. ايه ده فيه شوية عيال عاوزين ينضفوا البلد .. فوضعوا الخطة المحكمة .. وفي الوقت المناسب قبل الأفطار حانت ساعه الصفر وبدأ الهجوم تفاجأ الجميع لما يحدث وارتسمت علامات التعجب والاستفهام .. اهذه هيه الحرية وحرمات البيوت .. لا تتعجبوا فنحن في بلد ديموقراطي يعشق التجديد لا يحكمة قانون الطواريء ولا قانوان الارهاب .. تجمع عشرة في مكان ما بدون أذن من أمن الدولة يعد عملا ارهابياً وتم اعتقال العشر طلاب والدكتور المحاضر ومنظم الدورة

وذلك قبل الافطار ولم ينتهى الامر عند ذلك الحد ... بل ذهبوا الى بيوت اهالي هؤلاء الطلاب واقتحموها كقوات المارينز ودمروا البيوت وقلبوها رأسا على عقب ونهبوا ما استطاعوا ان ينهبوه من اجهزة كمبيوتر واموال وكتب ..

وذلك حتى لا يروق لاهلهم ان يفطروا بعد صيام في يوم طويل شديد الحرارة وايضا لكن لا يناموا ايام لهول هذا المشهد .. اقتحام تدمير تكسير .. عظيمة هذه البلاد تعطى ابناءها ما يستحقون وبتميز .. وأسألوا اهل الدويقه وغرقى العبارة والمحاكمين عسكريا..

كان الله في عون هؤلاء الطلاب .. كان الله في عون اهاليهم .. يبدوا ان هذا ثمن بسيط لمن يحب هذه البلاد ويريد ان يصلحها ..

أصدقائي واخوانى .. صبركم الله وثبتكم على الحق دائما .. ادعوا الله ان يفك اسركم اليوم وان يرينا في من ظلموكم عقابه وقدرته.

استاذي الفاضل مهندس حامد.. محمود الطويل وعبدالله ابراهيم واحمد كمال وابراهيم ..كم حزنت كثيرا لمعرفتي بالخبر صدمت لخبر اعتقالكم .. لم اتوقع ذلك ابداً لكم فأنت الأفضل بلا شك

مهندس حامد ذلك الرجل الطيب حامل الهموم دائما الساعي في حوائج الناس جعله الله رب لاسره كبيره فعندما تزوج لم يتزوج زوجته فقط انما تكفل بأسرتها ايضا فقد توفى الله والدها ووالدتها في حادثه .. فتحمل هم هذه الاسرة ولم يكتفى بذلك بل كان دائما ساعيا لقضاء حوائج الناس .. منساش ايام ما كان بيضربني ( بهزار طبعا ) واحيانا كنت ازعل واتدايق ولكنى كنت احسن منه الاب الحنون .. محمود الطويل انسان خلوق اوى محترم جداا دائما هاديء الطباع مفكر متميز مدون وصديق .. من عائلة كريمة - عبدالله ابراهيم من احب الشخصيات لى انسان مهذب اوى انسان بحق وحقيقي .. انسان مفكر ومبدع .. احمد كمال .. شخص نشيط جدا دائما مشغول في خدمه الاخريين شخصيه عفوية رائعه - ابراهيم انسان بشوش طيب تحس منه انه انسان على فطرته ..

د . إيهاب محمود - محمد شلتوت – أسامة أبو حطب – محمد مرعي – هاني محمد – عمر السيد اسماعيل - محمد رمضان مع انى لا اعرفكم جيدا ولكنى على يقين انكم من افضل الناس..

اليوم نبتت في بلادنا 12 سنبله قمح تأبى ان تنكسر وتصر أن تملأ بلادنا كل خير .. سيزكرهم التاريخ الطلابي في يوما من الايام .. سيكونوا نورا يوضيء تاريخ الحركة الطلابيه إن شاء الله ..

حسبنا الله ونعم الوكيل - ربي انت لهم فأنصرهم - ربي أنهم مظلومون فأنتصر - يارب فرج عنهم وعن اهلم وأعدهم إلى أهلهم عاجلا غير آجلا .. ربي نريد أن نسمع اليوم خبر الافراج عنهم وعودت ابطالنا البواسل إلينا.. ربي سنظل ندعوك ليلاً ونهاراً حتى تنصرهم بنصرك وتعزهم وتعدهم الينا .. ياااارب ثبتهم دائماً على الحق ..

الأربعاء، ٣ سبتمبر ٢٠٠٨

التغيير .. بالفضيحة

قليلا ما اكتب وقلت تدويناتي الفترة السابقه ولكنها لظروف خارجة عن ارادتى .. قد اكون الان أمر في حياتي بمرحلة جديده مختلفه لم امر بها من قبل واعتبرها انها من اهم مراحل حياتى والتى ستكون ان شاء الله بداية متميزة لتحقيق احلامى وطموحاتى المحدودة   :)


ونتيجة لهذه التطورات الغريبه الطارئة اصبحت نوعا ما غريب الاطوار امر بحالات تقلب مزاجية غريبه فاحيانا اكون في قمه الفرحة واريد ان اخرج للشارع واقول باعلى صوتى انا فرحاااان وفي هذه الحاله اكون كثير الكلام .. بتكلم ع الفاضى والمليان حتى اصيب من حولى "بالخنقه منى" اعتذر للى اتخنقوا منى ..



واحيانا اكون الانسان الاكثر كئابه على وجهه الارض لا اريد الكلام اصلا وادخل في مرحلة من التفكير العميق الذي يخنقنى حتى اصل الى
 مرحلة :'(  ويطرنى في النهاية للاتصال "بعبدالرحمن واقوله تعال الحقنى انا اتخنقت من نفسي" :s  

قد تكون الكئابه بسبب اننى واجهت صعوبات كبيرة في خطوة من خطوات الانتقال الى هذه المرحلة واحس اننى هزمت او سأتأخر في تحقيق احلامى الموضوعه ..

اخذ بآراء الكثيريين فيما يقابلنى من معوقات واستأنس بارائهم جدا .. لانهم يرون المشكلة من الخارج ولكن في النهايه القرار لى لانى صاحب المشكلة وارى حلول لا يروها ها لان بالتأكيد لا افصح لاحد عن كل المعلومات ..

احيانا استشير احد لانى اريد ان يأيدنى في قرار اتخذته ولكن اريد ان ارى ان قرار هذا صحيح بعض الشيء ام لا .. اضطر كثير للمخاطرة والمجازفه ولكنى احب هذه المخاطرة وأؤمن في النهايه ان لى قدر مكتوب هو فقط ما سأحققه..

معلش وجعت دماغكوا ,, 

انا كنت داخل اكتب على حاجة صغيرة هو منهج بسيط في التغيير ولكنه الاكثر فاعليه والاقوى تأثيرا .. وهو منهجية المحاربة الشعبية للفساد..

مررت بمرحلة انتعاش فكري اثناء امتحانات الثانوية العامة لما كنت ألاقيه من عمليات فضح مستمرة للغش وتسريب الامتحانات والتى كنت اتمنى ان تستمر وتزداد اكثر من ذلك .. والذي اعجبنى اكثر هو احساس الناس بأن الاعلام له قيمه وان عمليه الفضح الاعلامي تأتى بنتيجة .. 


الشورى كنت فرحان اكتر لانها فرجت العالم كله على الفساد والفشل والتخلف الذي وصلنا له حتى لم نستطيع ان نحافظ على مبنى البرلمان الذي ظلت عملية التبريد له على مدار 3 ايام .. هو في امريكا بيطفوا حرايق الغابات ازاي!

واكتمل انتعاشي الفكري برمى طلعت مصطفى في المعتقل المميز لدينا "طرة" وهو المعتقل الحاصل بجدارة على اعتقل الكثير من ...

الغريب ان في المعتقل موجود الان كبار رجال الاعمال في الحزب الحاكم وايضا في القوى المعارضه الاقوى وهيه الاخوان حيث اصبح المهندس خيرت الشاطر وطلعت مصطفى جيران .. ولان في البدايه كان في المعتقل المظلومين فقط اصبح الان المظلوم والظالم وقريبا الظالم فقط ويخرج المظلوم.

وبما ان طلعت مصطفى الرجل الثالث فعقبال الرجل التاني يااارب.

على رغم خزنى لما حدث لانهيار في ابورصه مما قد يأثر على الحاله الاقتصادية ولكن اسعدنى اكثر ان يصل القانون الى احد كبار الرؤوس.. ويارب يتحاكم بالعدل مش يتعمل معاه زي هانى سرور.

المهم الفكرة في ان لو تم انشاء هيئه او منظمة شعبية للابلاغ عن الفساد وكل موظف حكومة وكل عامل وكل مهندس وكل دكتور يلاقي اي عمليه فساد في منطقه معينه يبلغ عنها الهيئة دي وهيه تقوم بالتحقيق وفضح الفاسد في الاعلام ليتم احراج النظام والداخلية والقضاء حتى يأخذ القانون مجراه ..

سنصل في حربنا للفساد اللي وصل للركب اننا نرتقى ببلادنا بطريقه افضل وان ننتقم من كل فاسد من خلال القانون .. ياريت بجد نهتم بالفكرة واكيد في يوم من الايام هتتحقق.

ادعولي .. 

الثلاثاء، ١٩ أغسطس ٢٠٠٨

البلد ولعت.. والنار وصلت لـ..



في بيت قدام بيتنا حصلت فيه حريقه تاني يوم بعد حريقه الشورى .. لقيت واحد ماشي بعربيته من قدام البيت وبيقول "لعنه الشورى وصلت لهنا"

:D

الأربعاء، ٦ أغسطس ٢٠٠٨

دموع الفرح القاتله



وكما هي عادتى .. ظللت فتره طويله لا اريد ان اكتب تدوينة حتى ارد على من شاركوا عندي ولكنى لم اجد الوقت ..

حتى اتضطرتنى مواقف لحظات لن انساها ابدا في حياتي .. أبدا.. أبدا...

عندما أكتشفت ان الدموع تزيل الهم وتخرج ما هو مكبوت وأن النصر وتحقيق الحلم الذي يأتى بعد آلام رهيبه يكون نصراً يفرح به الإنسان حتى تصل إلى انفجار الدموع من عينيه.. مر علي أسابيع صعبه وشاقه في تجهيز أقرب صديق وأخ وحبيب إلي للزواج ..

أمس ليلة الأربعاء حينا سمعته ينطق بهذه الكلمات التى دائما ما نسمعها في الافلام التى يمليها عليه الماذون ... في هذه اللحظة أحرجتنى عيناي وانفجرت بالبكاء .. للأسف حاولت أن أتماسك ولكن ما واجهناه من صعوبات كانت اقوى من أن اتماسك في هذا الموقف ..

وخرج هو من المسجد أخد اخواته البنات بين يديه ونزفت عينيه بالبكاء وهم ايضا ...

مش عارف اقولكم قد ايه آلام المشاكل اللي واجهتنا اللي تخلينا كلنا مش نقدر نمسك نفشنا عند الموقف ده .. بجد الراجل ده تعب اووى

أحمد محي >> ابن عمي اقرب ابن عم لي (عندي تقريبا 15 ابن عم ) وزياده عن كده صديقي المقرب جدااا .. اعرف عنه كل شيء ويعرف عنى كل شيء عشنا مع بعض احلى ايام حياتنا .. اتعلمت منه كتير.. استأنس برأيه دائماً

هو مثل اخى الكبير هو اكبر منى بـ 3 سنوات ولكننا اصدقاء ..

أخيراااا حققت حلمك يا حبيبي وزوجك الله بالزوجه الصالحه وانتهيت من المهمه الشاقه دي أسعدك الله في حياتك دائما بارك الله لكما

أأأأأأألف مبروووك يا حبيبي
وبارك الله لكما وبارك عليكما وجمع بينكما في خير.

الأحد، ٢٢ يونيو ٢٠٠٨

الإعتدال


هنا اتكلم عما يدور داخلى ويخنقنى.. وقد يؤدي احيانا إلى قيامي ببعض التصرفات التى يراها البعض غريبه ..

الاعتدال >> هو المنهج الوسطى الذي يتمنى جميع المسلمين ان يكونوا عليه .. قهو المنهج الذي ليس في افراط ولا تفريط في الدين..

ولكننى احيانا ارى انى عندما ادعى انتمائي لهذا المنهج قد انجر احيانا الى نوع من التفريط .. بل وكثيرا ما يحدث ذلك..

لا احب المنهج الذي فيه افراط في الإلتزام والذي يقتل المرونة الفكرية لدى الفرد ولا يعترف باختلاف العلماء ويتبع منهج واحد يهدف الى الحرص اكثر واكثر ..

قد يكون كلامى غير واضح ..

هل لكى اكون في التزامى معتدلا أشدد على نفسي بعض الشيء حتى اذا افرطت انقاد الى الاعتدال وليس التقصير ..

ام ماذا؟

أوضح أكتر

ما هو مفهوم الإختلاط ؟

متى يكون الاختلاط مباح ومتى يكون حرام ؟

- اعرف اننى في حالة الاختلاط المباح يجب عدم الخضوع في القول ..

- ولكن ماذا اذا حدث عن غير قصد بعض من الافراط ؟ هل هنا يجب ان يكون المباح غير مباح؟

هذه التدوينة لن يفهمها الكثير وقد اكون انا ايضا لا افهمها ,,

ولكنى قد اكون طرحت الكثير من الاسئلة هنا التى انا في حيره فيها .. اتمنى ان اسمع ارائكم ؟

______________________

علمت ان الكثير يتضايق من اهمالي في الرد على من يعلق عندي في المدونة .. لكن والله هو تقصير منى وكسل وبعض الإنشغال وليس تجاهل او عدم رغبه في الرد.. وان شاء الله هرد على جميع من علقوا عندى في جميع التدوينات القديمة.

الأربعاء، ٤ يونيو ٢٠٠٨

دي كانت حكاية أمه ضعيفه

بالتأكيد لازم هيحصل كده رغم اختلاف الظروف والسنين والناس وطريقه التفكير والعلوم والتكنولوجيا وكل ده لكن القاعدة ثابته الإتحاد قوة والتفرق ضعف.

لازم هنتحد .. لازم هنرجع أقويا .. لازم لازم

وانا في ابتدائي وماما بتذاكر لي مادة اسمها الدراسات الاجتماعية (تاريخ وجغرافيا) فبتوريني خريطة مصر وحدودها .. فببص لقيت الخطوط مش مستوية وفي حتت الخط مايل

وبعددين في حتت في الخرايط محوطه بحدود بين الدول ومش بتنتمى لدولة من الدول

وبعدين في خلافات بين مصر والسودان على حلايب وشلاتين وحاجات كده كتير غريبة.

فبقول لماما هو احنا ليه حدوددنا مش خطوط مستقيمة وبعدين ليه في خلافات على الحدود بين مصر والسودان هو مش احنا المفروض كلنا دول عربية واسلامية دولة واحدة.

فقالتلي كلمة غريبة ساعتها.. لايمكن انسااه ..قالت أصل الإحتلال عمل معانا حاجة اسمها "فرق تسد"؟؟؟!!

طبعا مش فهمت فقعدت تشرحلي لحد ما فهمت.

وبعدها عرفت معانى كلام كتير الوطنية والقومية والخرف ده كله .. واكتشفت ان كل الكلام ده فيلم هندي علشان يفضل المصري مصري والفلسطيني فلسطيني والسوداني سوداني ...

وألحق اللي بيموتوا في فلسطين ... يا عم واحنا مالنا ما مصر مات فيها كتير ايام النكسة وحرب اكتوبر .

حرب اكتوبر

حصل حاجة غريبة ايامها وياريتها تتكرر تاني .. لاول مرة في التاريخ بعد ما انتهت او سقطت الخلافة الاسلامية الدول العربية تتفق على قرار واحد كان سبب في حدوث كساد اقتصادي عالمي طبعا مش كان زي الكساد العالمي الكبير .. بس كان كساد اقتصادي عالمي اصغر شوية.. وحصل انهيار في بورصات عالمية وانهيار شركات واقتصاد دول ..

وكل ده بسبب اتفاق واحد اتفقت عليه الدول العربية وهيه منع البترول عن الدول التي تساعد اسرائيل وظهرت نتائجه بعد ذلك من محاول امريكا وروسيا لانهاء الحرب وبعد ذلك محاولة امريكا للسيطرة على جميع مصادر البترول في العالم.

ده لاننا خدنا قرار واحد .. اتفقنا اتفاق واحد ... اتحدنا مره من نفسنا ...

بقعد أفكر كتير هل علشان نتحد زي زمان لازم يكون فيه واحد زي عماد الدين زنكي يوحد المسلمين بالقوة ... يعنى يدخل الجيش المصري لليبيا والسودان علشان يخليها تحت سلطته ..

احنا ليه كشعوب ما نتحركش ونطالب بالوحده العربية والاسلامية ... بلاش نقول خلافه اسلامية علشان بتوجع الكلمة دي بعض الناس خلينا نقول مثلا مثلا الولايات المتحدة الاسلامية .. او الاتحاد الإسلامي أو أي مسمى تاني..

طول ما احنا العلاقات بين الدول الاسلامية بالشكل ده هنفضل في قمة الضعف ...

طيب احنا ممكن نبدأها خطوه خطوه .. هنتكلم في اتحادات اقتصادية اقليمية .. وعلى راي الحاج حسنى سوق عربية مشتركة ... نوحد العمله مثلا نعمل اتفاقات توثق العلاقات اكتر ...

دور جامعه الدول العربية يكون اكبر شوية من كده ويكون ليها سلطات ويكون لها قدرة على تحريك الجيوش العربية لفض خلافات بين دولة ودولة او خلافات داخل دولة من الدول العربية ..

عاوزين نفكر ... مجرد ااننا نتخيل اننا دولة واحده قرارنا... فيه تكامل اقتصادى وصناعى وسياسي واجتماعي.

هو حلال على غيرنا وحرام علينا ..

هو اشمعنى اول ما تبقى الدولة مرتبطة بالدين تبقى وحشة ... انهى احسن انى كدولة انتمى للغه معينه وابقى اسمى دولة عربية ولا انتمى لقارة معينة وابقى اسمى دولة افريقيه مثلا او انتمى لدين وعقيده وابقى اسمى دولة اسلامية..

نفسي اكتب كتير اوى في الموضوع ده واكتب عن كل دولة اسلامية ونتناقش في المشاكل بتاعتها وحلولها .. وازاي ان ممكن يبقى فيه تكامل بين الدول ...

رسالة المعتصم لما واحده مسلمة بس اتاخدت اسيرة مش اتقتلت : من عبدالله ، المعتصم أمير المؤمنين إلى نقفور كلب الروم ، وإذا وصلتك رسالتي هذه فأطلق سراحها ، وإلا فوالذي بعث محمداً بالحق لأجهزن لك جيشاً ، أوله عندك وآخره عندي

امتى نسمع كلمات زي دى من احد حكامنا..

امتى نحس بالقوة والعزة ...

ليه مش نرجع مجدنا ونعيده ليه؟

هنستنى كتييييير ؟

يا ترى هنموت قبل ما نشوف أمتنا قوية ؟

امتى هيصحى المارد؟

الجمعة، ٣٠ مايو ٢٠٠٨

نيييهاهاهاهاها





Around here, However, We don't look backwards for very long.

We keep moving forward, opening up new doors and doing new things, because we're curious.. and curiosity keeps leading us down new paths.


هو أنا تدويناتي كلها مش زي ما كنت عاوزها تكون بس بقت اغلبها تعبير عن الحالة المزاجية وشوية حاجات جوه راسي عاوز اكتبها...

أفلام الكارتون انا واحد من اكتر الناس اللي بتحب افلام الكارتون في العالم ..

وكنت دايما المصدر في افلام الكارتون لاغلب صحابي لحد ما بقيت مش فاضي..

بس برده بحاول مش افوت فيلم كارتون :) اتريقوا براحتكم ...

انا لسه متفرج على فيلمين بجد اجمل من بعض ..

وزي ما تكون شركة والت ديزينى بدأت ترجع تانى بقوة لتواجه شركة بيكسر ..

المهم ان الافلام دي اغلب قصصها بتهتم جدا بالطاقات البشرية .. وقدرات البشر وازاي انها بتزرع نوع من الطاقه داخل الانسان بانه مهما كان صغير ومهما كان ضعيف يقدر يعمل حاجات كتير عظيمة ..

المهم الفيلمين دول هما ..

Meet the Robinsons
وده قصته عن ولد عبقري يتيم هيغير العالم بعد كده بإختراعاته علشان معندوش حدود في التفكير
&
Horton Hears a Who
وده بيحكي قصه فيل معلم لأطفال الحيونات في الغابه .. هيعتقد ان نقطه من الغبار ممكن يكون بيعيش عليها كائنات صغيرة جدااااا ودقيقه ومحدش يقدر يشوفها وهيصر على رايه على الرغم من اعتراضات اهالي الحيوانات لحد ما يقدر يثبت ان فيه فعلا كائنات عايشه على النقطة دي

الفيلمين دول بجد لازم تتفرجوا عليهم

نسيت فيلم خلطبيطة بالصلصه ratatouille

برده هيعجبكم اوى..

انا اسف التدوينة دي ملخبطة ومعكوكة بس انا عندي امتحان بعد بكره ومش عندى وقت

احم ده ملوش دعوه بالمذاكرة المذاكرة الحمد لله تقريبا خلصانه

ادعولي اوووووي

الخميس، ١٥ مايو ٢٠٠٨

Nakpa 60



60 years ago, Israel killed millions of children and their moms and dads .. and occupied their country and claimed that this is the land of the Jews..


Every Day Israel kills more and more children .. One day, a group of men said they would defend their country (Palestine) and their rights .. but the countries that helped Israel said that these men are terrorists ..But we say that they are not terrorists they are Heroes..

We are sure.. Palestine will be back .. and Israel will die and disappear because Israel is unfair and group of terrorist..
In shaa Allah


Nakpa 60

الأربعاء، ١٤ مايو ٢٠٠٨

يوم


في ذكرى ذلك اليوم .. يجب ان اذكر بعض الاشياء .. واذكر بعض ما تعلمت ..

اذكر انى موجود الان وفي هذا العالم بالذات حيث انه الوقت المناسب جدا لى .. حسب اعتقادى ..

اذكر بانى كنت اول مولود لابواي .. انتمى لعائلة جميلة .. لدى اب وام طيبين جدا واحبهم جدا .. مولود في احدى الدول الإسلامية واعيش الان في دولة اسلامية اخرى .. وتنتمى اصولى لدولة اسلامية ثالثة...

احمد الله انى في حالة اجتماعية معقولة فلم اكن مثل الكثير من الطبقه المطحونة المشغولة دائما بالبحث عن لقمه العيش وتبقى لدى وقت لكى أعمل عقلى وأفكر.

احمد الله انى ولدت مسلما ولم اولد على دين اخر فاظل ابحث عن الحقيقه سنين ..

واحمد الله انى انتمى لدولة لها مكانة قوية في وسط الدول الاسلامية فهيه دوله مركزية لهذه الدولة ولها وضعها القوى بغض النظر عن حاكماها وحكومتها.. ولم اولد في الصومال او موروتانيا او جزر القمر...

احمد الله انى انتمى لفكر اعتقد انه الافضل والاكثر شمولا والاكثر فهماً..

احمد الله انى تعلمت الكثير وعلى وعى كاف على الرغم من عمليات ذهاب العقل التى يقوم بها بعض الكارهيين لنمونا (نظرية المؤامرة) :D

أحمد الله على ما رزقنى اياه من مواهب ..

احمد الله انه خلقنى انسان في احسن تقويم ولم أخلق نملة او سمكة في المحيط أو حبه رمل في الصحراء الكبرى.


وأذكر ايضاً في هذا اليوم ...

::::::::: فقال: 'من المحبرة إلى المقبرة' ::::::: مقولة الإمام أحمد بن حنبل
وأقصد بها اننى سأظل اتعلم حتى ألقى ربي...


وأذكر أيضاً الحديث القدسي ..

(( عبدي أنت تريد وأنا أريد و لا يكون إلا ما أريد فإن سلمت لي فيما أريد كفيتك ما تريد و إن لم تسلم لي فيما أريد أتعبتك فيما تريد ولا يكون إلا ما أريد ))



.........
دعواااااتكم احنا بنمتحن ... بجد محتاجيين للدعاء اوى
........


الاثنين، ٥ مايو ٢٠٠٨

وقفه صامته من أجل الامتحانات

انااا متأسف جدا مش هقدر اكون موجود معاكم واكتب في المدونة لمده شهر لأنى هكون بذاكر وأمتحن .. وانا اسف جدا لو كان كلامي دايق حد وبرده اسف لوكان ردودي على الناس غلسه شوية .. وانى مش كان قصدي .. وانا اسف لوحد كان كتب كومنت وانا مش رديت عليه لانى والله مشغول علطول وبفضى بالعافيه ..

دعواتكم ليه ..

الامتحانات عندنا التيرم ده صعبه قوى ده اصعب تيرم في الكلية دعواتكم

...

فاضل على يوم ميلادى اسبوع للاسف هيهجي في وسط الزنقه .. بس اخيرا هبقى وصلت لسن الرشد زي ما بيقولوا وهبقى مسئول عن نفسي

see u

:)

الثلاثاء، ٢٩ أبريل ٢٠٠٨

القوم المتناقضون


من نحن ... نحن القوم المتناقضون ..

كلامي هيكون غلس فاللي مش بيحب يقرا الكلام الغلس مش يكمل ..

أولاً .. اشمعنى الإضراب ده واللي قبله كان لا ليه ؟ على حسب علمي أن الإضرابين زي بعض .. وأن ما فيش جديد ونفس الأسباب اللي اترفض علشنها الإضراب الأول مازالت موجوده؟؟؟!!!!!!!!

ثانياً .. احنا أفراد مالناش رأي .. زي باقي الشعب المصري .. احنا مش مستوردين من بره عندنا نفس الصفات ..
الإضراب الأول كانت فئات كتيره مأيداه وأول ما الدكتور محمود عزت اتكلم انقلب السحر على الساحر .. وكله وقف موقف البطل ويشتم في الاضراب الاول ويقول قرار حكيم والإضرابات حرام و.. و.. و.. حتى اللي كانوا مؤيدين الإضراب.

الإضراب التانى .. توقع الجميع رفضه بسبب رفض الأول .. ودلوقتى بعد ما قال المرشد اننا هنشارك فيه هتلاقي كله طالع بيقول قرار حكيم وهيعكس الكلام اللي كان بيقوله على الاضراب اللي قبله .

هل احنا مالناش رأي ... ياريت لما كل واحد يجي يتكلم يبقى يقول رأيه بجد مش رأي الجماعه.. وبعد ما يقول رأيه إن كان مؤيد او مخالف لرأي الجماعه .. يبقى يقول انه هيتبع رأي الجماعه .. علشان احنا جماعه لكن انا رأيي كذا.

..

رأيي الشخصي..

اما بخصوص مبدأ الاضراب فانا حسب رايي الشخصى انا من الإضراب الأولانى وانا متفق مع مبدأ الإضراب وكنت مؤيد الإضراب الاول بكل عقلي ... اما الإضراب الثانى فأنا اتفق مع الإضرابات ولكن رفضى مازال بسبب ان ما ينفعش يبقى الاضرابات ورا بعضها علشان مش تبقى هبل ولعب عيال ..

لكن بما أن جماعتنا الموقره اقرت بأننا هنشارك فأنا بإذن الله هشارك في الإضراب القادم .. علشان احنا جماعه ولازم نتبع القرار الناتج عن الشورى ..

بس ياريت علشان خطري يبقى كل واحد يقول رأيه الشخصى وكفايه بقه نكون إمع ..

.......
أن اختلاف الرؤي داخل أي تجمع بشري يعد دوما علامة صحة لا علامة مرض طالما أن الجميع يقبل علي تنفيذ ما أقرته شوري القيادة دون تردد، قال تعالي (ولا يزالون مختلفين) وقد اختلف الرسول صلي الله عليه وسلم مع الصحابة كلهم في الحديبية واختلف عمر مع الرسول وأبي بكر في عقب بدر،....

النصيحة واجبة علي كل جندي للقيادة (إذا نصحوا لله ورسوله ما علي المحسنين من سبيل) التوبة -91- (الدين النصيحة) وقد تأخذ القيادة بمشورة جندي إذا تبينت صحتها ( الحباب في بدر وسلمان في الخندق).

الخميس، ٢٤ أبريل ٢٠٠٨

نفكر شوية ممكن؟؟


بعض الاسئلة عاوز ردود عليها..

== هل المشكلة الإقتصاديه الموجوده حالياً في البلاد يمكن حلها بسهوله؟؟


== هل غلاء الأسعار يمكن القضاء عليه في لحظات؟

== هل المشكلة مشكلة سياسه اقتصادية "الخطة الاقتصادية التى تضعها الحكومة" .. ام مشكلة مسئولين " وزير الإقتصاد الحالي والحكومة" .. ام الاثنين معا؟

== هل يوجد قوى سياسية في مصر "كالأحزاب او الإخوان او اي تيار سياسي" قادر على تغيير الوضع الاقتصاد الحالي ؟؟ هل سيكون التغيير بعصا سحرية .. ام يوجد لديهم خطط اقتصادية ؟؟ وما هي هذه الخطط؟

== أين أصل مشكلة الغلاء بالاساس ؟؟؟ وما الحل المناسب ؟

== هل الهدف من الاضرابات .. الفوضى الخلاقه كما يقول البعض التى لاتحل القضيه وانما تقذف بنا الى مجاهيل دول العالم الرابع ... ام الى اسقاط الحكومة التى فشلت في المحافظة على توزان الاسعار.. ام ارباك المدعو رئيس البلاد ؟



بعض ملاحاظاتى على الوضع.. علشان اكون قلت رأي:

الوضع الاقتصادى في البلد عنده اسهال .. اولاً ميزان المدفوعات ضااارب "استيرادانا أكتر بكتييير من تصديرنا"... الدين العام "ديون مصر" كبييرررررر .. المسئولين الموجودين في الحكومة نصهم بيجرب خطط اقتصادية بدون دراسه جيده والنص التانى بيسرق .. والحاجات اللي بتفضل من موارد البلد وبتكون مدعومه الشعب بيسرقها وبيـبـعها بسعرها من غير دعم ويحط الفرق في جيبه ( أقصد دقيق المخابز وما شابهه) .. قدرة الحكومة على ضبط الوضع الاقتصادى والتحكم في السوق بقه ضعيف جداا .. بعد الخصخصه .. البلد هتزدهر اقتصاديا ولكن في طبقه من الشعب هتتطحن ..

رأيي أن البلد هتزدهر اقتصاديا ازدهار سريع ولكنه هينهار بسرعه جدا .. لانه هيعتمد بالاساس على الإستثمار الاجنبى المباشر .. واللي عند دخوله للبلاد يحسن من الحالة الاقتصادية للبلاد لكن مع استمراره تعود الامور إلى الاسوء تدريجياً... لانه هيبقى بياخد من البلد اكتر ما بيديها كما انه لاتوجد منافسه تذكر من أي منتج محلي ..

نفكر شوية ممكن ؟؟ وندور على حل ؟

الخميس، ١٧ أبريل ٢٠٠٨

تسلم يا دكتور عبد المنعم ريحتنا


ليس دقيقا أن الإخوان لم يشاركوا في إضراب 6 إبريل، كما أن الكلام عن عدم مشاركة الإخوان في هذا الإضراب بهدف التهدئة غير صحيح، الإخوان ليس من طبيعتهم مثل هذا العمل، الإخوان اختاروا التهدئة والدافع بالدرجة الأولي هو مصلحة الوطن، أما القول بأن الإخوان اختاروا التصعيد أو التهدئة من أجل مصلحة ذاتية فغير صحيح، مع أن هذا ليس عيبا، كما أن الإخوان لم يشاركوا بشكل رسمي في الإضراب لأنه لم يكن هناك ترتيب له، لكنهم أصدروا بيانا دقيقا واضحا جاء فيه أننا مع مبدأ الإضراب، وتركوا الخيار لأفرادهم، فنحن لم نصدر تعليمات كإخوان مسلمين لأفرادنا ألا يشاركوا، ولم نصدر لهم تعليمات بالمشاركة.. والبيان الذي صدر عن الإخوان هو البيان الذي صدر باسم الأستاذ محمد مهدي عاكف فقط، فأنا لست مع أي تصريح صدر عن الإخوان أساء لإضراب 6 إبريل، فليس لك أن تسيء لهذا الإضراب، لك أن تقول أنك لن تشارك فيه وهذا حقك، والدكتور عبد الوهاب المسيري كان عاقلا عندما تحدث عن عدم المشاركة الرسمية للإخوان.

ومن المعروف أن أي تنظيم سياسي يكون له موقف من ثلاثة، أن يحشد أعضاؤه وأفراده لعمل شعبي، أو أن يمنع بوضوح وبصراحة أعضاؤه وأفراده من أي عمل شعبي، أو لا يختار هذا أو ذاك ويترك لأفراده الاختيار.. وللأسف فإن بعضا من الإخوان أنفسهم أو من خارج الإخوان يتصور أن الإخوان مؤممين لصالح الجماعة، وهذا خطأ، فالأخ غير مؤمم لصالح الجماعة، الأخ يشارك في فعاليات جماعة الإخوان المسلمين التي تدعو إليها أو لا يشارك فيها باعتباره فرد في الجماعة، فالأخ العضو في جماعة الإخوان المسلمين في النهاية هو مواطن ومثقف وسياسي وناشط له أن يختار ما يشاء من خيارات، وأحد خياراته أن يشارك مع الجماعة التي هو عضو فيها عندما تطلب منه شيء أو لا يشارك، أنا شخصيا كنت مضرب يوم 6 إبريل.. كنت قاعد في البيت.


هذا ما قاله الدكتور عبدالمنعم ابو الفتوح .. في حوار لموقع عشرينات - اولاد البلد..
http://masr.20at.com/newArticle.php?sid=15267


............

أما بخصوص المحكامات فلم أجد كلام اقوله ... ولكن أعجبنى جدا رد الدكتور عبدالمنعم عندما قال (انتظروا رد الإخوان)

واما ما ورد في ذهنى ساعه معرفه نتيجة المحكامات ..

هو انه اخيرا والحمد لله بعد معركة انتخابيه طاحنه فاز الشاطر خيرت .. على حسنيه الغوله ..بفتره رئاسيه لمده 7 سنوات على رغم من ان الفترة الرئاسيه تكون 6 فقط ولكن دي وسايط ...

ونلتقي ان شاء الله قريبا بعد 7 سنوات في انتخابات رئاسيه جديدة ..

حيث ان دعاء المظلوم مستجاب .. فأرى ان ظلم الاخوان في المحاكمات العسكريه كان ظلم لمصر كلها وليس لهؤلاء الـ 30 رجل .. فياريت نوحد دعاءنا في جوف الليل بأن ينتقم الله من الحاكم الظالم وأن يرينا فيه عجائب قدرته وأن يجعله عبره للحكام من بعده .. وأنه ربنا يريحنا منه وياخده ..
:s

الجمعة، ١١ أبريل ٢٠٠٨

وهذا ما يمسى بالفوضى ولعب العيال



أنا مازلت مصر على ان اضراب 6 ابريل كان يجب ان يشارك فيه الجميع بدون الإعلان عن انتماء جزبي او فئوي وبدون أي جهه تقوده مجرد التزام البيوت هذا اليوم

أما الاضراب القادم فهو ده لعب العيال .. وبكره هنعمل اضراب هبه وبعده اضراب هييييييييه

المسأله مش هيصه هيه البلد مش ناقصه فوضى هيه فوضى اصلا..

ده غير كده هنضيع قوة معنى كلمة اضراب والشعب هيتعود عليه ومش هيستجيب لها

فلما نيجي نتفق على اضراب حقيقي هيكونوا اتعودا ان كل يومين اضراب فعادي

احنا أشبه ما نكون بنلعب مع الحكومة على رقعه شطرنج .. الحكومة مش غبية هيه عارفه هتتصرف ازاي وامتى؟

احنا لازم نخطط ونفكر .. وتبقى كل خطوة بحساب ومش عاوزين الناس تتعود على الاضراب كانها موقف يومي بيحصل كل يوم

يعنى مثال في الجامعه كانت جت فترة كانت كل اسبوع او اسبوعين مظاهرة .. لحد ما الطلبة اتعودوا انهم ممكن يدخلوا في اي وقت الجامعه يلاقوا مظاهرة فمش بقوا يفكروا في اللي عاملين المظاهرة ولا قيمة المظاهرة ولا هيه معموله ليه اصلا لان كل يوم بقه في مظاهرة فافقدنا المظاهرة معناها ..

فياريت مش نفقد الاضربات معناها

..

اما بخصوص الصعيان المدنى او النزول للشارع في مظاهرات واضرابات

يجب ان يكون بتنسيق جيد .. وان يكون تحت قيادات

والا هتتحول مصر لعراق اخرى

بس انا ارفض اضرابات مايو القادمه


الخميس، ١٠ أبريل ٢٠٠٨

ألف حمد لله على سلامتك




نهنيء ونبارك جميعاً ..
عوده الدكتور محمد مرسي إلينا الحمد لله بعد خضوعه لعمليه دقيقه في بريطانيا



 

blogger templates 3 columns | Make Money Online