بالتأكيد لازم هيحصل كده رغم اختلاف الظروف والسنين والناس وطريقه التفكير والعلوم والتكنولوجيا وكل ده لكن القاعدة ثابته الإتحاد قوة والتفرق ضعف.
لازم هنتحد .. لازم هنرجع أقويا .. لازم لازم
وانا في ابتدائي وماما بتذاكر لي مادة اسمها الدراسات الاجتماعية (تاريخ وجغرافيا) فبتوريني خريطة مصر وحدودها .. فببص لقيت الخطوط مش مستوية وفي حتت الخط مايل
وبعددين في حتت في الخرايط محوطه بحدود بين الدول ومش بتنتمى لدولة من الدول
وبعدين في خلافات بين مصر والسودان على حلايب وشلاتين وحاجات كده كتير غريبة.
فبقول لماما هو احنا ليه حدوددنا مش خطوط مستقيمة وبعدين ليه في خلافات على الحدود بين مصر والسودان هو مش احنا المفروض كلنا دول عربية واسلامية دولة واحدة.
فقالتلي كلمة غريبة ساعتها.. لايمكن انسااه ..قالت أصل الإحتلال عمل معانا حاجة اسمها "فرق تسد"؟؟؟!!
طبعا مش فهمت فقعدت تشرحلي لحد ما فهمت.
وبعدها عرفت معانى كلام كتير الوطنية والقومية والخرف ده كله .. واكتشفت ان كل الكلام ده فيلم هندي علشان يفضل المصري مصري والفلسطيني فلسطيني والسوداني سوداني ...
وألحق اللي بيموتوا في فلسطين ... يا عم واحنا مالنا ما مصر مات فيها كتير ايام النكسة وحرب اكتوبر .
حرب اكتوبر
حصل حاجة غريبة ايامها وياريتها تتكرر تاني .. لاول مرة في التاريخ بعد ما انتهت او سقطت الخلافة الاسلامية الدول العربية تتفق على قرار واحد كان سبب في حدوث كساد اقتصادي عالمي طبعا مش كان زي الكساد العالمي الكبير .. بس كان كساد اقتصادي عالمي اصغر شوية.. وحصل انهيار في بورصات عالمية وانهيار شركات واقتصاد دول ..
وكل ده بسبب اتفاق واحد اتفقت عليه الدول العربية وهيه منع البترول عن الدول التي تساعد اسرائيل وظهرت نتائجه بعد ذلك من محاول امريكا وروسيا لانهاء الحرب وبعد ذلك محاولة امريكا للسيطرة على جميع مصادر البترول في العالم.
ده لاننا خدنا قرار واحد .. اتفقنا اتفاق واحد ... اتحدنا مره من نفسنا ...
بقعد أفكر كتير هل علشان نتحد زي زمان لازم يكون فيه واحد زي عماد الدين زنكي يوحد المسلمين بالقوة ... يعنى يدخل الجيش المصري لليبيا والسودان علشان يخليها تحت سلطته ..
احنا ليه كشعوب ما نتحركش ونطالب بالوحده العربية والاسلامية ... بلاش نقول خلافه اسلامية علشان بتوجع الكلمة دي بعض الناس خلينا نقول مثلا مثلا الولايات المتحدة الاسلامية .. او الاتحاد الإسلامي أو أي مسمى تاني..
طول ما احنا العلاقات بين الدول الاسلامية بالشكل ده هنفضل في قمة الضعف ...
طيب احنا ممكن نبدأها خطوه خطوه .. هنتكلم في اتحادات اقتصادية اقليمية .. وعلى راي الحاج حسنى سوق عربية مشتركة ... نوحد العمله مثلا نعمل اتفاقات توثق العلاقات اكتر ...
دور جامعه الدول العربية يكون اكبر شوية من كده ويكون ليها سلطات ويكون لها قدرة على تحريك الجيوش العربية لفض خلافات بين دولة ودولة او خلافات داخل دولة من الدول العربية ..
عاوزين نفكر ... مجرد ااننا نتخيل اننا دولة واحده قرارنا... فيه تكامل اقتصادى وصناعى وسياسي واجتماعي.
هو حلال على غيرنا وحرام علينا ..
هو اشمعنى اول ما تبقى الدولة مرتبطة بالدين تبقى وحشة ... انهى احسن انى كدولة انتمى للغه معينه وابقى اسمى دولة عربية ولا انتمى لقارة معينة وابقى اسمى دولة افريقيه مثلا او انتمى لدين وعقيده وابقى اسمى دولة اسلامية..
نفسي اكتب كتير اوى في الموضوع ده واكتب عن كل دولة اسلامية ونتناقش في المشاكل بتاعتها وحلولها .. وازاي ان ممكن يبقى فيه تكامل بين الدول ...
رسالة المعتصم لما واحده مسلمة بس اتاخدت اسيرة مش اتقتلت : من عبدالله ، المعتصم أمير المؤمنين إلى نقفور كلب الروم ، وإذا وصلتك رسالتي هذه فأطلق سراحها ، وإلا فوالذي بعث محمداً بالحق لأجهزن لك جيشاً ، أوله عندك وآخره عندي
امتى نسمع كلمات زي دى من احد حكامنا..
امتى نحس بالقوة والعزة ...
ليه مش نرجع مجدنا ونعيده ليه؟
هنستنى كتييييير ؟
يا ترى هنموت قبل ما نشوف أمتنا قوية ؟
امتى هيصحى المارد؟
11 Comments:
حلم أكيد هيكون في يوم حقيقة
أما عن موضوع القائد المنتظر ما اعتقدش المفروض نعتمد ع الموضوع ده كتير
أكيد في يوم لازم يكون فيه قائد
بس مش هو اللي هيعمل كل حاجة لوحده
ولا النصر هييجي فجأة
المفروض ان كل واحد فينا يحاول يجعل من نفسه او حتي من اولاده هذا القائد
لو فضلنا نستناه يبقي مش هييجي أبدا
لان كل واحد بيدور وسط الناس و مش بيدور في نفسه هو يقدر يعمل ايه
حتي و لم ير النصر بعينيه
حتي لو كان له في جدار الخلافة "طوبة"
ولا بلاش خلافة
-أما عن هوية الدولة
فالهوية الاسلامية أصبحت للاسف بتخوف ناس كتير منهم مسلمين
لأن هوية اسلامية مش كلمة بس دي مسئوليات كبيرة جدا
واضح انه مافيش حد عاوز يتحملها
أكيد هييجي اليوم ده
جاي جاي
بس ياااااااااااااارب نكون من الايادي اللي هتصنعه
بوست رائع
و حلم اروع
بوركتم
ما هو لو فهموا كده
تنحل المشكلة !
لكن المشكلة أنهم لا يفهمون
أو أنهم كلما سمعوا هذا الكلام .. جعلوا أصابعهم في آذانهم واستغشوا ثيابهم !
تدوينة جميلة طبعا (ملحوظة): دايما أو غالبا أو أحيانا أو نادرا تدوينات أيام الإمتحانات بتكون راائعة جدا :)
لكن طبعا بندعى لحضرتك تخلص علي خير إن شاء الله
ربنا يجزى والدتك عنك كل خير ويرزقها بركم إن شاء الله
كلام جميل جدا (الولايات المتحدة الإسلامية) مسمي راائع ..
الطريق يبدأ بخطوة لكن امتي ؟
بس سؤال : هوة مين الحاج "حسنى" ده حد نعرفه ؟؟؟؟؟؟؟؟؟؟؟؟؟؟؟؟!!!!!!
بس الناس دى أدمغة خربة أو خربااانة في رواية أخرى
وفي نظرية مؤامرة كل اللى بيفكروا زى حضرتك كده بيضايقهم جدا :(
عندنا قادة والله وناس كتير وشباب زى الفل لكن نفسهم سم واحد للتعبير
وحسبنا الله ونعم الوكيل
استاذ عسكرى
اول مرة اعلق لكن مش اول مرة ادخل هنا
اولا :يارب تكون موفق فى امتحاناتك
ثانيا :كل سنة وانت طيب
ثالثا:الوحدة شئ مش صعب ولا بعيد
انما الصعب هو وجود ارادة عند القابعين فوق صدورنا من الخونة وازناب المستعمر الغربى
الصعب هو استعادة الهوية الاسلامية للاغلبية لتملك الارادة الموصلة للتغير هؤلاء الحكام
الصعب هو ان نتغلب على الانانية والمادية والسلبية تجاه القضايا المصيرية
الصعب هو تكوين الانسان المسلم الحقيقى وليس التقليد
تمنياتى بالتوفيق والنجاح
موضوع جميل جداااا....
بالنسبة لموضوع الوحدة والخلافة.... ناس كتير لما بتسمع الكلمة دى.. بتكون مستغربة وممكن تضحك علينا...
لكن لو نظرنا إلى الغرب فإننا سنجد أمامنا الإتحاد الأوربى...
لو نظرنا إلى أمريكا نفسها سنجد أنها عبارة عن ولايات كل ولاية يحكمها عمدة وفى النهاية القائد على كل هذه الولايات هو الرئيس الأمريكى...
يعنى الموضوع مش مستحيل يحصل عندنا...
****************************
ثانياً:
عندنا مشكلة كبيرة وهية إننا قبل ما نقول خلافة لازم نشوف الشعوب الإسلامية ... مش فى ترابط جامد بينهم... يعنى مثلاً أسمع إن أهل الدولة(...)لا يحبون المصريين وهكذا.. والدليل على عدم الترابط حصار غزة وإن غزة محاصرة من المسلمين قبل الأوربيين
يعنى فى النهاية لازم يكون فيه أخوة وحب بين المسلمين...
******************************
وحتى نصل إلى الخلافة لابد من(فرد مسلم,بيت مسلم,مجتمع مسلم,حكومة مسلمة)
معذرة... نسيت أقول حاجة
الأستاذ البنا فى حديثه عن الخلافة قال كلام جميل جدا:
(أن الخطوة المباشرة لإعادة الخلافة لابد أن تسبقها خطوات :
لا بد من تعاون تام ثقافي و اجتماعي و اقتصادي بين الشعوب الإسلامية كلها ، يلي ذلك تكوين الأحلاف والمعاهدات ، وعقد المجامع والمؤتمرات بين هذه البلاد, ثم يلي ذلك تكوين عصبة الأمم الإسلامية , حتى إذا تم ذلك للمسلمين نتج عنه الاجتماع على (الإمام) الذي هو واسطة العقد ، ومجتمع الشمل ، ومهوى الأفئدة ، وظل الله في الأرض ).
**************************
جزاكم الله خيرا
ربما سنكون جسرا يعبر عليه جيش التحرير.. وكفى بهذا فخرا وشرفا، وربما لن نرى فقط انتصار أمتنا ووحدتها.. بل سنعيش في ربوع عزها.. من يدري:
"ألا إن نصر الله قريب"
ختم الله على قوبهم
الدعوة لحظر الحزب الوطنى
لماذا لا نقوم بعمل حملة قومية من أجل حظر وحل ما يسمى بالحزب الوطنى
ولماذا لا نقوم برفع دعوى قضائية امام المحاكم المختصة
نتهم فيها الحزب الوطنى بأنه حزب يهدد الدستور ويعطل الدستور
وبأنه حزب يزور ارادة الشعب ويستغل ما لديه من سلطات ونفوذ من أجل البقاء فى الحكم لأجل غير مسمى
قد يقول قائل من الصعب أو من المستحيل أن يحدث هذا الأمر ومن المستحيل أن ننجح فى حظر الحزب الوطنى
وانا غرضى ليس حظر الحزب كأجراء قانونى .. وإن كان هذا ممكن .. ولكن غرضى هو مهاجمة هذا الحزب الفاسد الفاشى الفاشل المزور
مهاجمته قضائياً وشعبياً وإعلامياً
فلنتخيل سوياً هذا الخبر على صدر صفحات الجرائد وفى مقدمة النشرات الأخبارية
قوى حزبية وشعبية واعضاء معارضين بمجلس الشعب المصرى
يطالبون بحظر الحزب الوطنى الحاكم ومحاكمة اعضائه
اخى على خلصت امتحانات بالتوفيق لكن المسلمون دائما يراهنون على الثقة واليقين وأن وعد الله قريب حسبوه بعيدا وهو عند الله قريب
السلام عليكم ورحمة الله : -
عدة نقاط : ..
أولا أنا لا أتفق معك في عنوان البوست
ثانيا :معظم كلامك كان نابع من غحساس بالضعف
جايز عن نفسك لكن مش عن أمتك
القائد المنتظر ده .. ممكن يكون حقيقة وممكن يكون خيال ...
عاوز دراسة وبحث
هوية الاسلام
لا أحد يخشاها بل الكل يسعي اليها ولكن بطرقيته
أحسب أنني قد وضحت بعض الأمور
جزاكم الله خيرا
Post a Comment