من نحن ... نحن القوم المتناقضون ..
كلامي هيكون غلس فاللي مش بيحب يقرا الكلام الغلس مش يكمل ..
أولاً .. اشمعنى الإضراب ده واللي قبله كان لا ليه ؟ على حسب علمي أن الإضرابين زي بعض .. وأن ما فيش جديد ونفس الأسباب اللي اترفض علشنها الإضراب الأول مازالت موجوده؟؟؟!!!!!!!!
ثانياً .. احنا أفراد مالناش رأي .. زي باقي الشعب المصري .. احنا مش مستوردين من بره عندنا نفس الصفات ..
الإضراب الأول كانت فئات كتيره مأيداه وأول ما الدكتور محمود عزت اتكلم انقلب السحر على الساحر .. وكله وقف موقف البطل ويشتم في الاضراب الاول ويقول قرار حكيم والإضرابات حرام و.. و.. و.. حتى اللي كانوا مؤيدين الإضراب.
الإضراب التانى .. توقع الجميع رفضه بسبب رفض الأول .. ودلوقتى بعد ما قال المرشد اننا هنشارك فيه هتلاقي كله طالع بيقول قرار حكيم وهيعكس الكلام اللي كان بيقوله على الاضراب اللي قبله .
هل احنا مالناش رأي ... ياريت لما كل واحد يجي يتكلم يبقى يقول رأيه بجد مش رأي الجماعه.. وبعد ما يقول رأيه إن كان مؤيد او مخالف لرأي الجماعه .. يبقى يقول انه هيتبع رأي الجماعه .. علشان احنا جماعه لكن انا رأيي كذا.
..
رأيي الشخصي..
اما بخصوص مبدأ الاضراب فانا حسب رايي الشخصى انا من الإضراب الأولانى وانا متفق مع مبدأ الإضراب وكنت مؤيد الإضراب الاول بكل عقلي ... اما الإضراب الثانى فأنا اتفق مع الإضرابات ولكن رفضى مازال بسبب ان ما ينفعش يبقى الاضرابات ورا بعضها علشان مش تبقى هبل ولعب عيال ..
لكن بما أن جماعتنا الموقره اقرت بأننا هنشارك فأنا بإذن الله هشارك في الإضراب القادم .. علشان احنا جماعه ولازم نتبع القرار الناتج عن الشورى ..
بس ياريت علشان خطري يبقى كل واحد يقول رأيه الشخصى وكفايه بقه نكون إمع ..
.......
أن اختلاف الرؤي داخل أي تجمع بشري يعد دوما علامة صحة لا علامة مرض طالما أن الجميع يقبل علي تنفيذ ما أقرته شوري القيادة دون تردد، قال تعالي (ولا يزالون مختلفين) وقد اختلف الرسول صلي الله عليه وسلم مع الصحابة كلهم في الحديبية واختلف عمر مع الرسول وأبي بكر في عقب بدر،....
النصيحة واجبة علي كل جندي للقيادة (إذا نصحوا لله ورسوله ما علي المحسنين من سبيل) التوبة -91- (الدين النصيحة) وقد تأخذ القيادة بمشورة جندي إذا تبينت صحتها ( الحباب في بدر وسلمان في الخندق).
22 Comments:
انت بس متنرفز
:)
بس عارف ؟
أنا باحس إنك بتقيس المواضيع بالمقاييس الجامدة اللي الناس بتبص بيها من برة !
لو تعرف تعدي عليا ونتكلم ..
بس توعدني تتجرد من الكلام الخارجي ..
وتفتح صدرك للرأي الآخر
وتتخلص من مقاييس "القفش"
:)
---
متنفذش حاجة عمياني
اسأل قبل ما تنفذ
وأكيد هتلاقي اللي يفهمك
الإمعة .. مرفوض في الإخوان !!
اخي انتا شديد وي مع المعلقين بتوعك
اولا انا كنت بشكل فردي مع الاضراب وان كان ليس لي غطاء رسمي من الجماعة وانا لم اعتبرة خطا بعد احداث المحلة وان كان هناك طرق للتعامل مع الموضوع واما تلك المرة فانا موافق ان اري الجماعة مع الاضراب
فهذا ماهو الااكبر منة عامل تحفيزي ومحاولة للم شمل شباب بلا هوية سياسة واكتساب اشخاص جدد علي الحياد مع الفكرة
ادعوك لزيارة مدونتي واتمني التواصل الدائم بيننا
راي غاده:
اولا : اتفق معك ان لكل فرد رايه و لكن ان كان ينتمي للجامعه فيجب ان يلتزم برايها و لكن ان كان راي الجماعه يختلف بشده عن قناعاته الشخصيه فعليه ان يرفض في محيط معارفه ..
ثانيا: بالنسبه للاضراب هو عمل متحضر جدا يهدف لاطلاق صرخه مكتومه في ارض جرداء لعلها تلقي مجيبا بامر الله..
ثالثا: لا يغير الله ما بقوم حتي يغيروا ما بانفسهم و اتعشم خيرا في ان يكون الاضراب بدايه التغيير..
رابعا : راي الجماعه متروك لكم للنقاش حوله..
اسمحلى حضرتك اعلق على حاجة قبل أن أدخل فى موضوع الإضراب...حاجة فعلاٌ بتضايق جداااا:
لو فيه أسرة وحصل موضوع ما وأختلف أفراد الأسرة فيما بينهم على هذا الموضوع....
هل الصح إن كل واحد فيهم يخرج ويحكى للناس اللى بره عن الخلاف ده ويطّلع أفراد أسرته غلطانيين...
طبعاً لأ..ميصحش خاااالص دا المفروض والصح انه يقعد مع اسرته ويناقش الموضوع ويسمع وجهة نظر الاخرين لعلها صح.
*دا حالنا احنا الاخوان.. اسرة واحدة اى حاجة بتحصل واحنا مختلفين عليها مش بسرعةانشر اختلافنا هذا علناً ...لا بل اذهب لشخص كبير يكون فاهم الموضوع من جميييييع جوانبه واتناقش معه.
""""""""""""""""""""""""""
تانى حاجة:
هقول لحضرتك انا ليه عن نفسى مشيت ورا رأى الجماعة على طوووووول فى أى موضوع تتخذه...
لأن كتير قبل كده كانت الجماعة بتتخذ قرارات (مثل موضوع الاضراب) وكنت أقول(فى نفسى) طب ليه هما عملوا كده... بس على طول كنت بروح لحد فاهم يفهمنى..... وبعد مدة الموضوع يبان أكتر ويكون القرار اللى اتخذته الجماعة افضل قرار.
"""""""""""""""""""""""
و طبعاً فى فرق كبييييير بين الطاعة و الإمعة.
عاشقه الشهادة وعاشقه فلسطين
الطاعه بدون وجهه نظر تسمى طاعه عمياء وهو ما يطلق عليه الإمع .. أما بقه موضوع انى اتكلم في مشكلة داخلية وبسرعه واحكيها وكده حضرتك ممكن تدخلى تقري مواضيع على موقع اسلام اون لاين وعشرينات ومصراوى وهتكتشفى انى بتكلم في موضوع كل المواقع التانية بتتكلم فيه ..
أنا ما اتكلمتش على راي الجماعه ولا على قرارهم بالعكس ان بعتبر قرار الجماعه الصادر عن الشورى هو افضل قرار حتى وان كنت اختلف معه ولكن الله ينصرنا بشورتنا ..
انا انتقادي هنا واضح وهو للأفراد الذين يلون ارائهم.
انتقادي لأفراد مثلي لا ليهم ولا عليهم وليس للجماعه ... موضوعي السابق عن 6 ابريل لم يكن انتقادا للجماعه ولا لبيان المرشد فهو صادر عن شورى كان انتقاد لرأي أحد افراد الجماعه وهو الدكتور محمود عزت والذي اختلف رايه شكلا وموضوعا مع رأي دكتور عبدالمنعم وكان بيان المرشد الناتج عن الشورى وقرار الجماعه الرسمي هو الأفضل بلا شك
أما فكره انى بنتقد في فرق بين انى انتقد علشان اشهر بحاجة غير معروفه وفيه فرق بين انى بحاول اصلح اخطاء بنقع فيها.. كل الناس شافوها فينا واتكلموا عليها واتنشرت في كل حته.
الصحابي الجليل اللي راح للرسول في غزوة من الغزوات وقال له ما هذا بمنزل .. كان أحرص على الإسلام والمسلمين ... من أنه يقال عليه بعد ذلك بأنه اعترض على قرار الرسول ..
غادة
شكرا جداا رايك اعجبنى بقوة كما عرفت عنك
ابراهيم
شكرا لرأيك بس انا مش عارف هو انا رديت على الناس اللي بيعلقوا عنى بقسوة فين؟؟
خبيب
مين قالك انى متنرفز والله انا في قمه صفائي الذهنى والسعاده كمان بخبر المشاركة ده
مقاييس جامده؟؟؟ انا بحاول اشوف الناس بتبص لنا ازاي؟ امال التفكير للمستقبل البعيد والتخطيط وكل الخطوات دي فانا فاهم كويس جدا القرارات دي اتخدت كده ليه بس انا اعتبرنى بتكلم بلسان واحد عادى من بره الجماعه بقول راي انسان عادي
ومش فاهم ازاي انفذ حاجة عميانى هو حد طلب منى اكتب الموضوع ده وانا نفذته علطول ؟؟؟؟؟
الإمه مرفوض في الإسلام وفي الإخوان بس للاسف في أفراد إمعه وانا بحاول احارب ظاهره..
كويس اني متسرعتش في الرد :D
انا كنت فاهم في الأول انك بتشن الحملة
دي على الجماعة متمثلة في المرشد ومكتب الارشاد _ من ناحية التناقض في
القرار _ نزولا الى اصغر عضو في الجماعة _ من ناحية التناقض في التنفيذ ...!!
أما وانك تقصد اشخاصا بعينهم كانوا
يعتنقون رأيا وبمجرد الاعلان عن بيان
المرشد تبرؤا من كلامهم فلا استطيع ان
انكر عليك استنكارك هذا ...
انا شخصيا كنت من الموافقين على
الاضراب وانه خطوة حضارية جميل ان
يتعلمها ويفعلها الناس ، واحقاقا
للحق كان هناك الكثير من الاخوان في
محيطي يؤمنون بهذا على مستويات عدة
في الجماعة وفي النهاية كلنا يحترم وجهة
نظر الجماعة التي لعلها ترى ما لا نرى ....
الحقيقة يا اخواني نحن بحاجة الى نحسن
تعاطينا مع الديموقراطية وحرية الرأي وان نحمل انفسنا عليها قبل ان
نطالب الآخر بتطبيقها ...
كلمه اخيرة ... لا اوافق على تشبيه
نقاشاتنا وحواراتنا بتلك التي تحدث في
البيوت ..نحن نتناقش في قضايا هي ملك
للامة جميعا ولا ينبغي ان تصل بنا
الحساسية والغيرة على الجماعة الى درجة
الخوف من ان نبدو مختلفين في الرأي اما الاعلام...
نأسف على الاطالة
:)
اه طبعا من حقك تضايق
بس المشكلة ان قرار الاخوان صائب جدا ، بالمشاركة في الاضراب .
انا اتمنى ان الاضراب يستمر لوقت اطول من يوم ، و اعتقد ان ده ممكن و مش بعيد
لكن الناس مش مستعدة تضحي !
وللا انت شايف ايه ؟
الاضراب اللي فات ممكن كانت فيه حسابات تانية ، لكن في نفس الوقت انا لسه معترض على عدم المشاركة
اما بالنسبة للاخوة اللي يقولوا اه لما الاخ المسؤول يقول اه و لا لما يقول لا
:) مكانهم مش معانا
بجد
ربنا يستر
معذرة بس دى هتكون آخر مرة أقول فيهارأيى فى الموضوع ده من باب عدم الجدل:
الأخ (العسكرى عتريس):
أكيد طبعا نية حضرتك خير.. واحنا متأكدين من كده..
لكن:
الموضوع وما فيه ان فى ناس(مش فاهمة حاجة عن الاخوان خالص) كل هدفها انها تهاجمهم بس وبالتالى بتدخل المدونات وتدور ...
ويا فرحتها لو لقت موضوع كاتبه فرد من الاخوان بيعترض فيه عن اى حاجة فى الاخوان(اى حاجة حتى ولو كانت ايه)
وتجرى بسرعة تروح تقلب الدنيا كلها وتنشر الموضوع والموضوع ينزل بعناوين فظيعة (طبعا اللى بيعملوا كده مش فاهمين اى حاجة وعاوزين بس يهاجموا.
والموضوع ده فعلا بيحصل واقرب مثال كان فيه عضو فى شرقاوى داخل مخصوص عشان يهاجم مستغل بعض المواضيع... واظن حضرتك عارف كده
واحنا ان شاء الله مش خايفين من الحاجات اللى بيعملوها دى لاننا واثقين من منهجنا...
لكن احنا دلوقتى هدفناالاصلاح...وعاوزين الناس تشاركنا فى الموضوع ده لكن الحاجات دى ممكن تؤثر حتى ولو قليلا...
ولو الناس كلها فهمانا فعلا صح مش هتكون فيه اى مشكلة فى مناقشة المواضيع دى..
لكن زى ما حضرتك عارف ازاى الاعلام موجه حملات جامدة اوى ضد الاخوان...وفيه ناس بتصدق للاسف الحاجات دى...
استحملونى لسه فى كلام عاوزة اقوله:
طبعا لابد من الشورى..ومقولناش غير كده...وحضرتك ليك رأى وسهل جدا انك توصل رأيك للجماعة وللمرشد كمان...
وابسط طريقة ان مواقع الاخوان مكتوب فيها راسلنا وحضرتك تختار اللى عاوز تراسله وتقوله رأيك بدءاً من المرشد ومكتب الارشاد......
"""""""""""""""""""""
موضوع الطاعة والامعة:
زى ماحضرتك قولت:الامعة تعتبر الطاعة العمياء وبدون فهم....
اما الطاعة(كما اراها) فهى:تنفيذ+ثقة فى اختيارات الجماعة+ابداء الرأى بطريقة مناسبة.
"""""""""""""""""""""
طبعا فى كلام كتيييييييييير جداااا عاوزة اقوله بس كفاية كده لانى اشعر انكم مليتوا كتير.
بجد بشكركم لان المناقشة دى هامة جدا, ولحسن استماعكم وصبركم الشديد.
وانا فعلا سعيدة جدا بموضوع مشاركتنا فى الاضراب المرة دى لاننا اكيد اتعلمنا من المرة اللى فاتت حاجات كتير.
دمتم بخير
عاشقة فلسطين
احم ،،
مش بشويش شوية
يعني اعتقد والله اعلم ،، ماينفعش نقول امعه !!
بس انا كمان مستغربه
بس علي اية حال ،، احييهم علي مشاركتهم في 4 مايو
وريلاكس شوية ،،
بس يا عتريس نهايه التدوينه دى فى التعليق ده ..
الاخوان اول مره يحسوا بالشعب ..ويخدوا قرار لمصلحة مصر ..وان شاء الله مش اخر مره
ونجحت جروب الفيس بوك ...وشارك الاخوان فى الاضراب
...
واتمنى انك تنفض نفسك من شويه التحفظات اللى ع الاضراب ..
وان شاء الله الوقفه الصامته يوم 4 مايو عند بيتكم ..عشان نجبرك ع التفاعل !!!
كده المعادله اتظبطت
الاخوان + شباب الاخوان = قرار صائب
نضيف شويه تفاعلات مع تحركات المعارضه
يبقى المعادله
الاخوان = مصر اولا
أنا مندهش وحزين. وبس!
الواضح أنني لا أعرف الكثير من الإخوان
لأنني لم أقابل هكذا أحدا
ما قابلته..أن من شجعوا الإضراب _وانا منهم_غضبوا من قرار المقاطعة
كون إن المكتب فكر تاني_وفي ظوف تانية بعد المحاكمات والمحلية_ وتلقي اللي أيد القرار فح بالقرار العكسي
..
فهذا شئ طبيعي لتغير الظروف واتضاح الرؤية بعد الإضراب الثاني
..
ثم خليني معاك لو الظرفين شبه بعض
وإخوانا أخطأوا مرة وصوبوا الخطأ في المرة الثانية ..ما العيب ؟؟؟؟؟
..
السلام عليكم ورحمه الله وبركاته
اول مره اتشرف بزياره مدونه حضرتك وبصراحه دخلتها فقط بعد الي سمعته عنها :D
علي العموم انا لن اتناقش معك في جدوى اعتراض الافراد علي امر اقرته قياده حزب او جماعه
لكن انا برده وممكن لضيق في افقي عندي حاله استغراب واسبهلال من موضوع 4- 5 ..
كتبت تدوينه بخصوص الموضوع ده اسمها ((Pain gate theory وإضراب 4 مايو))
اتمني ان حضرتك تقرأها وفي انتظار ردك عليها
دمت في خير ودمت متسع الافق متقبلا للاختلاف
يالنسبه طبعا لموضوع ان الواحد يكونله رايه ويقوله ده طبعا معلهوش خلاف
بس واحد زي مبيفهمش في الحسابات السياسيه وبيكره السياسه والاعيبها
بقول رايه في موضوع الاضراب ازاي
اظن ان موضوع الاشتراك في الاضراب حسبه سياسيه
انت فعلا رأيك صح ان مواعيد الاضراب متكنش قريبه عشان
الحكايه متبقاش لعب عيال
وعشان الناس متزهأش وتقول كل يوم اضراب وغياب
وعشان نبان ان احنا منظمين
مش حكاية اى حد يقول اضراب يلا اضراب
بالنسبه لموقف الجماعه هوصحيح
لان الجماعه لما مشاركتش فى الاضراب الاول
وقعت من نظر ناس كتييير
وكمان ناس كتير قالو ان الجماعه
عايزين السلطه بس ومش عايزين يبقوا من الشعب
وكمان مينفعش اضراب بيشارك فى الشعب كله وبينجح النجاح ده والاخوان ميبقوش فيه
أن اختلاف الرؤي داخل أي تجمع بشري يعد دوما علامة صحة لا علامة مرض طالما أن الجميع يقبل علي تنفيذ ما أقرته شوري القيادة دون تردد
جميل جدا سيدى الكريم ..
الشورى بإذن الله خير
أتعجب أنا أيضا لكن عن رأيى الشخصي لم أكن مع الإضراب الأول حتى من قبل أن أسمع رأى الجماعة فيه ولو كانت الجماعة أقرته لكنت سألت وناقشت وبالتأكيد كنت سأنزل لرأى الشورى :}فالشورى خير
ورأيى اليوم أنا يعجبني الثاني نوعا ما لإن الشعب فهم علي الأقل مبدأ أنا موجود وبني آدم ومن حقي أعترض ومقبل عليه علي الرغم من توقعه رد فعل عنيفة كما سابقه يعني ممكن يكون أتشجع مثلا ولكن نظرا لنظرتي السوداء لا أتوقع نجاح أى منهما
في الوقت الحالي أرى أن النجاح وإن تحقق سيكون وقتي أو في حيز ضيق
عن رأى الجماعة ككل ..لو كان هناك مالم أقتنع به فإني أفكر وأتناقش كما يفعل الجميع{ مع إن في ناس لا تحب حتى مجرد أن تسأل لماذا وذاك قصور منها} فلنا كل الحق بالسؤال ولا يمنعنا أحد منه بالعكس هناك تحفيز لأن تسأل حتى تتضح الرؤية ونفهم
فلم أعهد أبدا أننا دمي متحركة فلنا جميعا عقول لنفكر ونميز
هذا كلام بعيد معذرة عن الموضوع الأساسى
الحماسة المتقدة من أهم سمات الشباب لكن الله يكرمك هوة اقتراح لا أكثر يا أخى الكريم
فلا أخفيك كل مرة أدخل أقرأ وأمشى لإنى بخاف أعلق علشان حضرتك بتكون بتتكلم بحدةشوية ..يمكن أنا بتخيل أو غلطانة يحدث هذا كثيرا
لكن أطمح أكيد في كرمك وإن حضرتك تكون لين قليلا حتي يدوم النقاش الإسلامي الراقي :}
أعتذر عن الإطالة ولو لم يعجبك ردي بإمكانك حذفه تلك مدونتك ولكن إن قبلته على مضض فنرجو التعليق والرد
وجزاك الله خيرا
المنشد العام ..
أعجبنى رأيك جدااا
وانت للاسف من القليلين الذين فهموا قصدي يبدوا ان اسلوبي في الكتابه سيء وغير مفهوم .. بس هكتب برده
:P
عبدالرحمن عياش
ده رأيك بس انا ارى الاصوب كان المشاركة في الاضراب الأول مادام الإثنان مثل بعض
ع العكس ..
1- أن الإضراب الأول كان يتميز بأن الجهه اللي دعت للإضراب كان عمال المحلة والثانى شباب من ع الفيس بوك .. اتقد ان دعوه العمال معلومة المصدر اكثر من الفيس بوك .
2- ان الاضراب الأول كان أول إضراب في مصر.
3- الشو الإعلامي اللي خده الإضراب الأول هيكون أكبر بكتير من التاني والناس تفاعلت مع الاول اكثر من التانى لأن الإضراب الأول هو الاصل والثانى يعتبر كوبي منه.
4- ايقن الناس جميعا بأن عدم مشاركتنا في الإضراب الأول كان بسبب المحاكمات .. وصنعنا يقين لدي الحكومة بأننا من الممكن أن ننثنى إذا كان الأمر يتعلق بمحاكمات فيها احكام .. فأعتقد أن بذلك الحكومة كل ما هتكون عاوزه تعمل حاجة وتعديها من غير ما نعمل رد فعل تاخد شوية قيادات وتحاكمهم عسكريا .
لعله خير..
حسبي الله..
يارب
عاشقه فلسطين ..
:D
ازاي متأكده ان نيتي خير هههه
عى فكره احنا مش بنتكلم بهدف ان واحد فينا ينتصر احنا بنحاول نوصل للصح وبالتالي فده مش جدال.
الوعي السياسي عند الناس اتغيير كتير بالذات اللي بيدخلوا على النت ..
واللي هيتعلموه من الوضع اننا مش ملايكة واننا عندنا حريه في الرأي ومش متشددين ارهابين .. وان عندنا بنحاول نوصل للصح اللي يخدم امتنا .. وبنفكر مش قطع شطرنج يمين يمين .. شمال شمال
امال بخصوص الجرايد فمحدش بقه بيقرأ الجرايد .. واما التشوية الإعلامي فهو موجود دائما اتكلمنا او مش اتكلمنا هو موجود.. والتشوية الاعلامي مش هيخوفنا من اننا نتناقش قدام الناس كلها لاننا مش عندنا اسرار والتنظيم السري انتهى من زمان والمرشد هو اللي قال كده
امال موضوع رايي فأنا في الموضوع ده لا اتناقش في جدوى المشاركة في الإضراب الثانى .. وان كلامى كله موجه لأفراد الجماعه وليس لمكتب الارشاد او متخذى القرار الأفراد اللي هما انا وحضرتك وكل الاخوة والاخوات اللي دخلوا يردوا
كل الموضوع ده علشان اقول زي ما قالت الاخت خديجة في مدونتها ..مش ينفع نكون تبرييرين .. يعنى اي قرار يتخذ من القاده ان كان يعجبنا او لا يعجبنا فاننا نحاول ان نبرر انه على صواب حتى ولو لم نكن مقتنعين او لنا اعتراض عليه .. فكان واضح جدا الاضراب الاول كان فيه اختلاف واضح بين راي دكتور عبدالمنعم والدكتور محمود عزت فما بالك بالأفراد لما يكون القاده احتاروا في الأمر واختلفوا..
اللي بقوله كله اننا لازم يكون لنا راينا الشخصى ومش نكون تبريرين وفي الأخر ننصاغ لرأي الشورى الذي اتخذ حتى لو اختلفنا فلاخير فينا ان لما نفكر ونخطط لامتنا ونشغل عقلنا ونرتقى بمستوى الفهم لدينا .. وده اللي كنت عاوز اقوله من التدوينة للافراد..
وبالتاكيد علشان اقول كلامى ده للافراد مش هعدى على كل واحد في بيته واقوله .. ولا حضرتك رأيك ايه
اروى..
بشويش هو انا ماسك عصايه وبتخانق :)
ليه مش ينفع نقول امعه .. مش لما نقول امع احسن ما نقول ان ده نفاق :)
احمد علاء
ههههههههههههههههه امشي يله
دكتور ايهاب
أنا مقدر رأيك جدا بس هو الله بيفكرنى اوى بموقف الشباب والشيوخ مع الرسول في الخروج من المدينة ام التحصن فيها..
فكان راي الشباب ثورجى شوية .. استحملونا :)
لا اقصد ان حضرتك مش شباب بس حضرتك اكبرنا .. ودائما تكون اراء الكبار حكمة لا تنقصها شجاعه واراء الشباب شجاعه لا تنقصها حكمة
other
انا منتقدش القرار التانى خالص انا اتقدت موقف افراد الاخوان .. بس
القرار التانى عاجبنى بس الاضراب نفسه مش عاجبنى ..
قلمي..
اشكرك على كلامك الجميل .. وانا قراتها وهرد عليها باذن الله
انا انصاري
هههههههه وبتقول مش بتفهم في السياسيه .. رايك صح السياسه دي لعبه كبيرة مكاره جدااا صعب حد يفهم لها لانها بتكون محسوبه لثلاث واربع خطوات قدام
اوعى تفكر
كلامك جميل وصح جدا بس الاضراب التاني انا عندي شعور انه مش هينجح زي الاول مش عارف ليه
خديجة..
بصي هو فين الشعب اللي انتى بتتكلمى عليه الأول كان فيه عمال المحلة التاني اللي دعوا للاضراب من شباب الفيس بوك اللي هما من الاخر شباب من الاخوان وكفايه والغد والاحزاب اللي كل يومين عامله مظاهرة قدام نقابه المحامين لكن الشعب في عز النوم .. عارفه امتى يبقى الشعب ....
لما نسمع ان موظفين كذا اعلنوا انهم هيشاركوا في الاضراب وشركات كذا وكذا هتشارك في الاضراب ساعتها نعرف انه بجد الشعب مشارك اما حتى الان فانا مش شايف في حد من اللي هيشاركوا مالوش انتماء سياسي
أرى أن النجاح وإن تحقق سيكون وقتي أو في حيز ضيق
كلامك ممتاز جدااا وانا اتفق معاكي في الكلام ده لانه لازم يكون فيه تخطيط وسلسله من الاحداث والفعاليات اللي هتتلوا بعضها لكن اضراب يوم وبعدين تانى يوم ولا كأن في حاجة حصلت يبقى في المشمش لو حاجة اتغييرت.
.... هناك تحفيز ....
وهذا ما جعلنى اكتب بكل صراحه لما اراه من تشجيع من جميع القيادات على الكتابه وقول الرأي بصراحه جداااا
كلامك تمام
فلم أعهد أبدا أننا دمي متحركة فلنا جميعا عقول لنفكر ونميز
ولكن للاسف يتخيل البعض ان معنى الجندية هو عدم المشاركة بالرأي وابداء الرأي إنما الطاعه العمياء فقط .. وانا علشان كده كتبت الموضوع ده علشان احاول اغير فهم هذه الفئه
كل مرة أدخل أقرأ وأمشى لإنى بخاف أعلق علشان حضرتك بتكون بتتكلم بحدةشوية
هههههههههههههههههه حاضر مع انى حاسس والله انى بتكلم عادي
بس عموما هحاول ان شاء الله اكون ابسط من كده
والتعليق عاجبنى جدا ولا داعي لحذفه :)
في البداية
السلام عليكم
سؤال : أخبار المذاكرة إيه والاقتصاد والمحاسبة والكلام ده .. يعني اخباره إيه " أكيد مش زي انشودة لننطلق " صح و لا ..لالالالا .
ثانيا :
يعني إيه كلامك غلس أو مش عارف ايه
بص يا حبيبي .. الموضوع بسيط جدا جدا
سؤال .... إنت واثق في قيادتك
أكيد أنا عارف إجابتك ..
سياسيا الإضراب ناجح تماما عاوز تعرف إزاي ...
بسيطة برده ولا أبسطهالك أكتر
لو الحكومة عاوزة تتخلص من أي حد من معارضيها تعمل إيه .... جاوب ؟؟
علي طول تتهمه بالخيانة " أيمن نور " أو بالإرهاب " الإخوان " أو بالتفاهه " أحزاب المعارضة " لكن لم تستطع ان تتهم جماهير الفيس بوك او المدونين او من تفاعل معهم من عموم الشعب .. صحيح .
ثانيا حتي الآن وبعد أن شرحت لك لن تفهم ما يمكن أن نكون قد استفدناه
من الإضراب علي مستوانا الشخصي
" أنك كتبت هذا المقال " ، وأنني قراته وغيري كذلك .. أليس كذلك .
ثانيا : الناس اتكلمت ، يبقي نجحنا غننا نحط رجلينا علي اول طريق ثقافة التغيير اللي انا شايفها مش صحيحة ..
يعني ...
بص كفاية كده غنت متعب وأنا تعبان
عالعموم إما تخلص غمتحان فكرني أشرحلك يعني عصيان ويعني إيه إضراب
وإزاري نستفيد من ده وده علي مستوياتنا المختلفة
شد حيلك في المذاكرة
وربنا يعينك " لننطلق "
جزاكم الله خيرا
ان كان رجوعهم في الراي لانهم ادركوا ابعاد الامر فهذا عين العقل والحكمة وان كان رجوعهم في الراي لانهم لا راي لهم فهذا من الثقة في فرار القيادة في قضية الرؤية لم تكن متضحة فيها لاحد اما ان كانوا من قبيل المطبلين المزمرين لاراء القيادة فهؤلاء وبال على امتهم وشعوبهم بل وجماعتهم مع فائق الاحترام للجميع،كلامك لاغبار عليه ان كان الفعل من قيبل الامعة يعني هو المرشد قال ايه وانا وراه دي مصيبة .
لكن في نفس الوقت كلمة اذكرها لاستاذنا مصطفى مشهور صقر الاخوان عليه رحمة الله ( رايي فوق راسي انافح عنه ما استطعت فاذا راى الاخوان رايا وضعت راسي تحت قدمي واغلقت فمي حتى لا اثير الفتنة ) لقد كان راي الحبيب المصطفى في غزوة احد مع الشيوخ لكنه مع الشورى اخذ براي الشباب ورغم ماحدث لم يعنف النبي بكلمة واحدة بعد المعركة ولا اثناء الهزيمة بل لم يقل الكلمة التي اعتاد عليها اكثر الناس اليوم (مش قلتلك -بس لو كنت سمعت كلامي ) الكلام بعد قرار الشورى براي اخر اسمه في الشرع شق الصف -اثارة فتنة -ارجاف
هذا والله اعلم ومن وراء القصد وهو يهدي السيبل
Post a Comment