في ذكرى ذلك اليوم .. يجب ان اذكر بعض الاشياء .. واذكر بعض ما تعلمت ..
اذكر انى موجود الان وفي هذا العالم بالذات حيث انه الوقت المناسب جدا لى .. حسب اعتقادى ..
اذكر بانى كنت اول مولود لابواي .. انتمى لعائلة جميلة .. لدى اب وام طيبين جدا واحبهم جدا .. مولود في احدى الدول الإسلامية واعيش الان في دولة اسلامية اخرى .. وتنتمى اصولى لدولة اسلامية ثالثة...
احمد الله انى في حالة اجتماعية معقولة فلم اكن مثل الكثير من الطبقه المطحونة المشغولة دائما بالبحث عن لقمه العيش وتبقى لدى وقت لكى أعمل عقلى وأفكر.
احمد الله انى ولدت مسلما ولم اولد على دين اخر فاظل ابحث عن الحقيقه سنين ..
واحمد الله انى انتمى لدولة لها مكانة قوية في وسط الدول الاسلامية فهيه دوله مركزية لهذه الدولة ولها وضعها القوى بغض النظر عن حاكماها وحكومتها.. ولم اولد في الصومال او موروتانيا او جزر القمر...
احمد الله انى انتمى لفكر اعتقد انه الافضل والاكثر شمولا والاكثر فهماً..
احمد الله انى تعلمت الكثير وعلى وعى كاف على الرغم من عمليات ذهاب العقل التى يقوم بها بعض الكارهيين لنمونا (نظرية المؤامرة) :D
أحمد الله على ما رزقنى اياه من مواهب ..
احمد الله انه خلقنى انسان في احسن تقويم ولم أخلق نملة او سمكة في المحيط أو حبه رمل في الصحراء الكبرى.
وأذكر ايضاً في هذا اليوم ...
::::::::: فقال: 'من المحبرة إلى المقبرة' ::::::: مقولة الإمام أحمد بن حنبل
وأقصد بها اننى سأظل اتعلم حتى ألقى ربي...
وأذكر أيضاً الحديث القدسي ..
(( عبدي أنت تريد وأنا أريد و لا يكون إلا ما أريد فإن سلمت لي فيما أريد كفيتك ما تريد و إن لم تسلم لي فيما أريد أتعبتك فيما تريد ولا يكون إلا ما أريد ))
اذكر انى موجود الان وفي هذا العالم بالذات حيث انه الوقت المناسب جدا لى .. حسب اعتقادى ..
اذكر بانى كنت اول مولود لابواي .. انتمى لعائلة جميلة .. لدى اب وام طيبين جدا واحبهم جدا .. مولود في احدى الدول الإسلامية واعيش الان في دولة اسلامية اخرى .. وتنتمى اصولى لدولة اسلامية ثالثة...
احمد الله انى في حالة اجتماعية معقولة فلم اكن مثل الكثير من الطبقه المطحونة المشغولة دائما بالبحث عن لقمه العيش وتبقى لدى وقت لكى أعمل عقلى وأفكر.
احمد الله انى ولدت مسلما ولم اولد على دين اخر فاظل ابحث عن الحقيقه سنين ..
واحمد الله انى انتمى لدولة لها مكانة قوية في وسط الدول الاسلامية فهيه دوله مركزية لهذه الدولة ولها وضعها القوى بغض النظر عن حاكماها وحكومتها.. ولم اولد في الصومال او موروتانيا او جزر القمر...
احمد الله انى انتمى لفكر اعتقد انه الافضل والاكثر شمولا والاكثر فهماً..
احمد الله انى تعلمت الكثير وعلى وعى كاف على الرغم من عمليات ذهاب العقل التى يقوم بها بعض الكارهيين لنمونا (نظرية المؤامرة) :D
أحمد الله على ما رزقنى اياه من مواهب ..
احمد الله انه خلقنى انسان في احسن تقويم ولم أخلق نملة او سمكة في المحيط أو حبه رمل في الصحراء الكبرى.
وأذكر ايضاً في هذا اليوم ...
::::::::: فقال: 'من المحبرة إلى المقبرة' ::::::: مقولة الإمام أحمد بن حنبل
وأقصد بها اننى سأظل اتعلم حتى ألقى ربي...
وأذكر أيضاً الحديث القدسي ..
(( عبدي أنت تريد وأنا أريد و لا يكون إلا ما أريد فإن سلمت لي فيما أريد كفيتك ما تريد و إن لم تسلم لي فيما أريد أتعبتك فيما تريد ولا يكون إلا ما أريد ))
.........
دعواااااتكم احنا بنمتحن ... بجد محتاجيين للدعاء اوى
........
دعواااااتكم احنا بنمتحن ... بجد محتاجيين للدعاء اوى
........
20 Comments:
الحمد لله علي كل حال
نسيت كمان تقول الحمد لله اني ولد :D
&*********
اه تصدق كان مفروض تطلع سمكة أو نمله ،، كان هيبقي أنسب ليك :DDDDD
********
علي فكرة مصر دولة إشتراكيه حسب الدستور ،، علمانيه بالسياسية ،، مش عارف دولتك نظامها ايه ياأستاذ يامثقف :P
*******
كل عام وأنتم الي الله أقرب وعقبال .....شوف عاوز تعيش كام سنة :)
:D
اسكت يابني
نظرية مؤامرة مين الله يخلليك
:)
كل سنة و انت طيب يا دفعة :)
و ربنا يتقبل منك و يجعله في ميزان حسناتك
بس انا خايف فعلا و بجد مش هزار ، خلال فترة قريبة ، مصر تبقى توازي جزر القمر و للا الصومال
وللا بلاش الصومال
اي دولة في افريقيا فقيرة ممكن تفوق مصر قريب اوي
زي ما كنا بنقول الهند !
:) تاني كل سنة و انت طيب
بس هو انت حسستني انك تايه أصلك هناك و اتولدت في المكان التاني و عايش هنا
ربنا يوفقك يابني
:D
و يسترها معانا كلنا :)
سلام
كل عام وانت الى الله اقرب وعلى طاعته ادوم
ربنا معاك ويعينك وبالتفوق دائما
كل سنه وانت طيب
اروى..
لا الحمد لله انى ولد او بنت ده قضاء ربنا وقدره وانا اؤمن ان قضاء ربنا للانسان هو افضل حال ...
:O
هو انا اتكلمت على نظام دولتى انا بقول انها دولة لها وضع مركزي بين الدول اللي حوليها يعنى لو حصل فيها ثورة بتتأثر البلاد اللي حوليها بالثورة حصل فيها عدل بتتأثر برده الدول اللي حوليها .. دولها مكانه في وسط دول الجوار فقط .
وحضرتك طيبه :) عاوز اعيش لحد ما بلاد المسلمين تتوحد والمسجد الأقصى يتحرر..
...........................
عبدالرحمن عياش ..
نورت المدونة .. وأنت طيب
انا مش اقصد انها في الفقر وكده زي جزر القمر لا لا انا اقصد في هامشية الدولة ومحوريتها احنا دولة محورية في المنطقة.
تانى وانت طيب :)
لا يا عم انا مش تايه ده انا فرحان ان انتمائي مش لدولة معينة .. لكن انتمائي للامة الاسلامية كلها ..
...........................
مدام اميمة ..
انا فرحااان جدااا ان حضرتك شرفتيني..
حضرتك بقالك كتير جدا مش زرتى المدونة من ساعة لما زعلتى من التدوينة اللي قبل قبل اللي فاتت ..
جزاكى الله خيرا .. إن شاء الله نتفوق
...........................
أنا انصاري
وأنت طيب
كل سنه وانت طيب ياجميل
بس ايه الدوله الاسلاميه الثالثه الى اصلك منها
الكويت ومصر وعارفينهم اكيد عرفتنى
اولا كل عام وانتا الى الله اقرب ..وتشيل دماغك من شوية الخرف بتوع اليومين اللى فاتوا..
ثانيا ..
انا متمسك بحته الجاتوه اللى انتا كلتها عليا(:
ثالثا :..
انتا الدوله المحويه اللى انتا تقصدها ايه ..
الكويت ولا ايه ؟
اعتقد ان مفيش شك تقصد ..جمهورية الموز
..
الاستاذه اروى ..الدستور اتغير وبقينا دوله رأسماليه ..ونتبع النظرية البتنجانيه ...
سلام يا عمنا
وانا بقول الحمد لله إنه رزقنا أخ مثلك نحسبه على خير والله حسبه
ملحوظة
كنت عسوله اوي وأنت صغير يا علي
السلام عليكم ورحمة الله وبركاته
أخي الحبيب :
أولا : كل سنة وانت طيب ... على فكرة أنا بعت ليك كرت تهنئة على الفيس بوك وعلى فكرة برضو مكلفنيش حاجة خالص وعلى فكرة برضو لو عايز تدفع حسابه مفيش مشكلة .
ثانيا : سيبك من ثانيا وخلينا في ثالثا .
ثالثا : الحمد لله على نعمة الإسلام وكفى بها نعمة .
رابعا : أعانك الله وإيانا على هذه المحنة العصيبة " كلام في سرك : محنة الامتحانات "
جزاكم الله خيرا
والسلام عليكم ورحمة الله وبركاته
كل عام وأنت بكل خير يا جميل
وفقك الله في الامتحانات
وأعانك
الاستاذ علي
كل عام وأنت بخير
وربنا يعينك علي طلب العلم
أنعم الله عليك وعلينا بنعم كثيرة، فلا نكون من ناكري الجميل والناسين للفضل
أنا عن نفسي كنت أكون راضيا جدا لو خلقت سمكة
السمكة ليس عليها حساب
واذكر أن الشيخين أبو بكر وعمر رضي الله عنهما قالا كلاما شبيها بهذا
لكن لا أخرج عن إختيار الله:
(والله يعلم وأنتم لا تعلمون)
كل سنة وانتي طيبة يا جميلة
ماشاء الله كبرت علشان ربنا يبتلينا
الحمد لله أنك مش طلعت موس أو هرد أو شاشة مش نملة ورملة
ماشي ياعم السياسي
ههههههههههههههههه
" بجد "
أنا سعيد جدا بيك .
وبروحك الجميلة
وطيبتك الصافية
اني والله أحبك في الله
" بعملك قيمة "
الحمد لله :)
حاجات جميلة فعلاً
ولاحظ..
علشان تدوم.. لازم الحمد، وإلا.....!
...
بس فرحان بمصر ليه كده..؟!!
على إيه..؟؟
مركزية ومحورية ومهلبية إيه يا عمّ؟!!
انت مصدّق! :D
...
ربنا يزيدك علم.. وما تسيبش المحبرة إلا على المقبرة :D
...
وربنا يوفقك في الامتحانات.. وتمر المحنة دي على خير :)
يااه نظرا لظروف الشبكة (الانترنت )السيئة فلقد صرت في آخر الركب التعليقى ولكن لعله خير :)
أولا : كل عام وحضرتك طيب وربنا ينفع بك ويوفقك لما يحب ويرضى
ثانيا: الحمد لله فعلا علي نعمة الإسلام وعلى كل نعمه سبحانه وتعالي ما أحلي أن يتذكر المرء في يوم ميلاده نعم الله عليه ..أفلا أكون عبدا شكورا
ثالثا : عن بلدنا المحروسة فعلا كلامك صح موقع محورى جدا ومتميزين في كل حاجة تقريبا ابتداءا من الصالح مرورا باللى مالوش لازمة ابدا وانتهاءا بالطالح طبعا
رابعا : بغض النظر عن حالة بلدنا المتدهورة التى كنا نحن بلا فخر السبب الأول فيها ففعلا هي نعمة لعل الله يستخدمنا لرفعتها مستقبلا
خامسا : أنا عن نفسى كان نفسى أكون نحلة أو نملة علشان هما منظمين وعندهم نظام رائع ومستعمرات ومملكة بس الحمد لله يمكن لو كنت طلعت كده كان واحد بشرى رخم فعصنى برجله وهو ماشى :)
الحمد لله ..الحمد لله
جميل شعور الرضا بل هو الأجمل علي الإطلاق
تدوينة جميلة جدا جدا من أثر الإمتحانات والله أعلم
عموما طولت جدا كما العادة لكن تدوينة حضرتك أشعرتني بالأمل ربنا يكرمك ويوفقك
ثق تماما ان وجودك يعني وجود كثير من الناس ..
وتأكد ان كل شهقة وزفرة تعني حياه لكثير آخرون..
فعلا لك ام حنون واب كذلك طيب ربنا يحفظهم لك ..
احياينا اشعر ان من بحث عن الدين بشرط الوصول للحق اصبح افضل مني علما في كثير من الاشياء او لاقول اقوى مني ايمانا ، لكن الحمد لله الذي خلقنا مسلمون - خير نعمه ..
يا على حرام عليك انت عارف النمله !! ياااه لو انا نمله يا سلام اطير مع الريح واغوص في البلوعات حريه حريه حريه .. بس مش عايز اكون رمله .. اتفرج بقا على فيلم Horton hears a who
واخيرا خليني اعيد ان هذا الموضوع من اجمل ما قرأت لكن خاصه ان اسلوبك حلو اوي فيييييه :D
ادعيلي وادعولى
;)
كل 365 يوم وانت طيب
والله وكبرت ياعسكورة وبقيت لوااااااء اد الدنيا
ونسيت تقول الحمد لله ان ربنا رزقنى بعبدالله حسني يرد فى مدونتى
ودمتم
أنا لم أنقطع عن زيارة مدونتك
لكن لم اكن اشارك بالتعليق
وهذا ليس متعمد أو ان سببه زعل اطلاقا
الشباب الذى يشرح القلب مثلك
لا يمكن أزعل منه
انا ممكن أزعل عليه هذا من منطلق
خوفنا عليكم وحبنا لكم
"احمد الله انى ولدت"
وانا أحمد الله أنك ولدت
كل عام وانت الى الله اقرب
وعلى الطاعة ادوم
وفقكم الله في امتحاناتك ان شاء تعالى
Post a Comment