امتى يكون الواحد بيخطط لهدف كبير صح وحاطط قرارات وخطوات على مستوى بعيد .. ناتج عن نظرة متعمقه للحياة بشموليتها ... مش تكون قراراته كل 5 دقايق بقرار .. ناتجه عن انه كان شاف فيديو فحمسه اوى لـفلسطين .. فخد قرار انه هيعمل دلوقتى كذا ... وبعد خمس دقايق بعد ما ينسى الموضوع مش يكون متحمس له زي الاول .. شاف فنان صوته حلو حب يكتب عنه ... ويقول لكل الناس صوته حلو .. لكن لو عدت عشر دقايق ينسى ومش يكتب .. لكن ان هو يكون صاحب هدف كبير انه مخصص نفسه ووقت علشان الفن الهادف والراقى ممكن يكون نفسه .. لكن بياخد خطوات لا ..
يكون قاعد في خطبه او كلمه لواحد من علماء المسلمين بيتكلم عن القيام .. خلاص يوصل لمرحله انه هيعيط لكن بعد ما يروح ويقعد في بيته ويتشغل في حياته ابقوا قابلونى لو صلى الفرض في المسجد قيام مين وبتاع مين ...
وحاجات كتيييير اوى
يا ترى هو ضعيف وولاقوى .. جبان ولا شجاع .. صح ولا غلط .. مش عارف ... ما هو حالات وحالات على حسب المود.
اللي عاوز يكون "حاجة" ويعمل شيء صح ... يقعد مع نفسه كتير ويمسك ورق ويكتب فيه ويخطط ويقطع الورق ويقرا كتب كتير في الحاجات اللي بيفكر فيها ... ويحط اهداف صح .. انا عاوز اعمل كذا ... انا عاوز اعمل كذا... يحط لنفسه خطوات ياخد شوية قرارات..
مش ينفع يفضل كده .. هواه بيتحكم فيه
يضعف احيانا اوووى ... واحيانا تانيه يكون قوى اوى علشان سمع اغنيه حماسيه او شاف فيديو عن المجاهدين..
عايش جوه احلامه .. بيحلم كتير اوى .. لكن ما فيش افعال .. بيحب النوم اوى علشان بيحب يفضل جوه احلامه ... جواه طاقه كبيره اوى لكن هو مش متعود يستغلها .. نفسه يغيير العالم .. لكن هو مش عمل ولا حاجة ويفضل ولا حاجة طول ما هو كده ...
الانسان اللي زي ده افضله .. يموت ويدفن نفسه ... لو مش قرر يتغيير بجد مش كلام زي كل مره ..
هع .. مجرد رساله لواحد اعرفه
ادعوا له أنه يتغيير ... يمكن يكون دعائكم مستجاب وربنا يستجيب لكم .. وادعوا لي انا كمان عندي امتحانات .
^__^
انا فرحان علشان في ناس كتير بحبهم خدوا قرارات مهمه في حياتهم
وزعلان برده علشان فيه ناس كتير بحبهم عندهم ظروف صعبه
ادعوا لهم هما كمان بالمره
6 Comments:
ممكن الحلم يكون كبير جدا في يوم
وحبه اوي اوي
فلما حبه اتحرك بجد
ادعيله بحلم يحبه :)
تعرف البوست ده انا كنت بفكر فيه النهاردة كتير جداً
لاننا للاسف ساعات بنمر بحالات زى دى وبنخرج منها ونرجع ليها تانى
الثبات حاجة محتاجة مجهود غير طبيعى
ربنا يعينا عليه
جزاكم الله خيرا
وعلي فكرة الموضوع بجد مهم جدا ولازم كل واحد يحطه في إعتباره قوي
ربنا يكرمك
بجد بجد كلامك رائع
اولا ربنا يهدى كل ضال ويشفى كل مريض وييسر امر كل محتاج
ثانيا فعلا لازم كل واحد يمسك ورقة وقلم ويكتب اهدافه فعلا اللى اكييد ان شاء الله ناوى يحققها
ويلا بينا نبطل كلام ونبدأ نشتغل
وتحياتى اليك
وتسلم
جزاكم الله خيرا
الموضوع مفيد جدا
ربنا ييسرله يارب
فى أمن الله
انا عارفه الواحد ده .. اقول ولا بلاش :D
وديما بدعيله
اما موضوع ان بمجرد اصطدامك بشئ تتأثر بيه لوقت فده شئ طبيعي والانسان اللي ميحصلوش كده مش طبيعي :D
موضوع اثبت على الحاجه دي بقا ليها مقومات وليكن اولها انك تربط نفسك بمجموعه مثلك ومتفكرش فيها لوحدك
ثالثا موضوع التغيير الذاتي فده جهاد نفسي يخص الشخص لكن لا يقلل من اهمية انه هيحتاج برده ناس تعينه
فلسفيا بين كل فتره تغير واخرى فتره
لما تحب تغير في نفسك او من نفسك لازمن تمر بالفتره دي اللي بين الفترتين فتره متعبه جدا مؤلمه مؤرقه هتعذبك لو قدرت عليها خلاص هتكون قدرت تنقل
فاهمني ؟
Post a Comment