.....العسكري عتريس.....: وقاء تزوير الإستفتاء بالصور

الصوره دى فى منيا القمح

اسف يا جماعه لو فيه صور مش واضخه لانى صورتها بصعوبه ... واتمنعت من التصوير

دى صوره لمقر لجنة الرجال عندنا ...من بعيد مرضيوش يدخلونى والعربيه اللى فى الصوره دى اللى كانت بتوزع حاجه ساقعه وبتلف تقول اللى مش هاينخب هايدفع 100 جنيه

ودى صوره للجنه الانتخابيه وقدمها اتنين من الحزب الوطنى الصوره مش واضحه لانى كنت بعيد اوى

اللى طالعين ع السلم فى الصوره دول اللى كانوا فى العربيه ورايحين يقبضوا الفلوس عشان يكملوا وبالمره يتغدوا (دا كلامهم)

دى صوره العربيه اللى كانت بتلف والمفاجئه انها طلعت (نقل السويس ) ساحتفظ بارقامها لنفسى ولمباشره التحقيق فى انتاهاكات الاستفتاء

بيشتروا بيبسى للموظفين عشان يبلعوا بعد التزوير

ودى صوره صندوق البيبسى فى العربيه ..

اما اللجنه اللى عرفت اتخدلها اصور فيها لحد ما منعونى ..لجنة النساء (اللى مكنش فيها بشر خالص )

اسيبكوا مع الصور

مدخل المدرسه دا كان قاعد فيه عسكريين وامين شرطه فى الصباح

دلوقتى امين الشرطه بيلعب جميز ع الموبيل

(دى الصوره اللى خلتهم يطردونى من اللجنه)

اللجنه فاضيه حتى الموظف مش فيها

ومعرفتش اصور حاجه تانى لانى كان فى لجنه قاعد فيها رجالة الحزب الوطنى وهاتك يا تقفيل

الكشوف فاضيه والصناديق مليانه ...

البطاقات متعلمه(بنعم) جاهزه ...

انا بحاول اجيب بطاقه منهم ..

دى رساله وصلتنى من احمد حلمى المحامى ع الايميل

اترككم مع نص الرساله

هذه شهادتى على ما حدث فى عابدين

الساعة الرابعة ظهرا .. الجو يسوده هدوء شديد وبدأت حالة الاسترخاء تعم اللجان الانتخابية .. دخلت إلى مكان التصويت المقيد به .. مدرسة الوحدة العربية .. شياخة السقايين .. عابدين .

المدرسة من الخارج أتملاءت بلافتات تحمل شعار الحزب الوطنى وتحث المواطنين على التصويت بنعم لتعديل الدستور .

داخل المدرسة هدوء قاتل .. مجموعة من الشباب يضعون شارات للحزب الوطنى ويمسكون كشوف انتخابية .. ولا يوجد ناخبين ..

تقدمت لهم بطلب الاستفسار عن اللجنة التابع لها فأعطونى ورقة من اوراق الحزب الوطنى عليها بياناتى الانتخابية .. صعدت الى الطوابق حيث يتم التصويت فى طابقين ومررت على اللجان بهدوء .. وكانت الفضيحة ..

اثناء المرور توقفت أمام بعض اللجان منها اللجنة 21 سيدات .. واللجنة 23 سيدات .. واللجنة 22 رجال .. أثناء وقوفى على باب اللجنة 21 سيدات لم يشعر بى الموظف الذى كان يجلس بمفرده أمام الصندوق ويفتح الكشوف ويكتب فيها .. ولأنه لم يشعر بى اخذت فى الاقتراب قليلا دون ان يشعر بى حتى توقفت أمامه وفوجئت أنه كان يقوم بالتوقيع أمام أسماء الناخبين .. كانت الكشوف لاتزال خالية بينما صندوق الانتخاب ممتلاء عن اخره بالأوراق .. فجأة تنبه الموظف لوجدى وسألنى ماذ تريد .. فتصنعت اننى ابحث عن لجنتى الانتخابية .. وخرجت .

نفس الواقعة طبق الأصل تكررت عن اللجنة 23 رجال .. وجدت الموظف يقوم بالتوقيع فى الكشوف أمام اسماء الناخبيين .. والصنادق ممتلاء لاخرها والكشوف لازالت خالية إلا من بعض التوقيعات التى كان يقوم بها الموظف ..

على بعد خطوات من اللجنة اخرجت الكاميرا وبدأت بالتصوير .. وهنا تنبه الموجدين لوجود شخص مندس داخل المدرسة .. تعاملوا معى بحظر فى أول الأمر فأقترب منى محامى عرفنى بنفسه أنه عضو مجلس الحى عن عابدين وأمين شباب التنظيم بعابدين وحاول التعرف على شخصيتى لكننى لم اعطيه أجابه .. فى اقل من دقيقة فوجئت بتجمع حولى حيث حضر ضباط القسم والمباحث وبعض هناصر الحزب الوطنى التى خلت المدرسة إلا منهم .. ونظرا لشابقة معرفة ضباط القسم بى فقد فهموا ما أفعله وبطريقة لبقه ومهذبه أحاطوا بى واخذوا فى الحديث مع السير حتى وجدت نفسى اسير فى اتجاه باب المدرسة وفهمت من ذلك انها عملية طرد بأسلوب مهذب .. شكرتهم وانصرفت بعد أن قام القسم كاملا بتوصيلى إلى باب المدرسة .. طلبت منهم التقاط صورة لباب المدرسة لكنهم رفضوا .. فانصرفت .

الواضح أن التعليمات هى تقفيل الصناديق باوراق الانتخاب من الصباح ثم الانتظار قرب الساعة الخامسة للتأكد من عدم حضور الناخبيين ثم البدء فى ملأ كشوف أسماء الناخبين بالتوقيع أمام الأسماء .. وكان حظهم العثر أننى تواجدت فى هذه اللحظة فشاهدت بعينى الموظفين وهم يوقعون فى كشف الناخبين .. وطبعا من خلال كمية الأوراق فى الصناديق ستكون النتيجة المعلنة بنسبة حضور لن تقل عن 80% بينما الحقيقة أن المدرسة كانت خالية تماما إلا من بعض عناصر الحزب الوطنى .

إليكم بعض الصور التى نجحت فى التقاطها وسهى على الشادة الضباط مصادرتها أثناء عملية طردى من المدرسة . وبالطبع طردونى دون أن أقوم بالتصويت لأننى أساسا لم أكن راغبا غير فى هذه الصور ورؤية العين للتزوير .

أحمد حلمى المحامى

مركز الحرية

للحقوق السياسية ودعم الديمقراطية