فترات طووويلة بتمر من غير اعمال فنية وطنية متميزة
يمكن ده علشان ارباحها مش كبيرة او الضغوط الخارجية اللي بتتحكم فينا
في برده شوية اعمال فنية فعلا عظيمة مش نقدر نبطل نتفرج عليها.. لانها فعلا بتصحى جوانا مشاعر حب.. وثورة.. وإيمان بقضية.. وحقوق مسلوبه.. وأرض مغتصبة.. وبلاد محتلة.. وشعوب مجروحة..
بتفوقنااا
بتفكرنا بـ "هم" كبير
بفلسطين
اعمال فنية بيقوم بيها الفنانين كنوع من الفن اللي فعلا له هدف.. فن علشان قضية
لكنه اختفى الفترة دي وبنتمنى يعود تاني
اجتماع الفنانين علشان يعملوا تحفه فنية للتعبير عن قضايا الوطن العربي والاسلامي وفلسطين والقدس
بس للأسف مش بتحصل إلى قليل جداا
أتمنى انهم يعملوا عمل جديد قوى الفترة اللي جاي
اعمال لايمكن ننساها
الحلم العربي
القدس هترجع لنا
11 Comments:
موضوع رااائع
كنت بفكر أكتبه إمبارح
بس طبعا مش كنت هكتبه بالحلاوه دي
المشكله لو هما عملوا الاغنيه هما إتأثروا بيها
ماكنش الإعلام الهابط طلع بعدهم من بعضهم
لكن للأسف كتيييييييييير منها مظاهر لا تخرج من القلب
وبجد موضوع عاجبني جداااا
فعلا يا عترييس
الفن بيكووون وسيله من وساائل التوعيه عند الناااس
وفعلا يا ريت ترجع الاعمااال الجمييله دي
ـــــــــــــ
الفديوهااات ( الاغنيتين )جُماااال اوى
تسلم الايااادي
معاك حق والله
يا حضرة العسكري
فعلا مازالت هناك أعمال منذ زمن طويل
بس عايشة لحد دلوقت لقيمتها
مش لحاجة تانية
وربنا يهدي ويكثر المفيد
ورهينا همتك إنته بقه
وجزاكم الله خيرا
من يومين بلعب فى الكمبيوتر
لقيت اغنيه عندى والله بكيت وانا بسمعها اسمها (قتلوكى يا بغداد)
وحاسيت انى لازم اعمل حاجه خلاص
دخلت على النت وقولت اكتب وابعت رسايل للصحافين والمثقفين وفعلا عملت
بس بجد الاغانى دى بترفع الروح وتزود الحماس
محتاجين منها كتير
ياعم روح إنته فاكر نفسك في المدينه الفاضله وهتحارب لي بالغناء
والله لو البلد بتحرر بالغناء كنا غنينا للصبح
العميد ميت
...........
كلامك صح يا محمد احنا مش هنحارب بالغناء
بس أكيد الإعلام ليه تأثير كبير جدا على فكر الشعوب
وممكن يوصل رسالة مايوصلهاش كتاب وبالذات لما يكون اللي عاملين الاعمال دي فنانين اصحاب شعبية كبيرة ويعملوا اعمل تكون لها قيمة ولها هدف
محمد علي
.......
عندك حق يا محمد فعلا الفن بيأثر في مشاعر المسلمين وبيحركنا من جوه
bedo
.....
انت تقريبا وصلت للنقطة اللي كنت عاوز اوصلها أن الاعمال الفنية قوتها في الهدف اللي معموله علشانه
العمل بيكون عظيم ويعيش والناس عمرها ما تنساش لو العمل ده فعلا كان بيخدم قضية الناس عايشلها
يعني انا سمعت من واحد من يومين حاجة خنقتني
الراجل كان عاجبه اوي البوم تامر حسني وعمال يمدحلي في كلماته
واول ما محمد فؤاد نزل البومه نسي تامر وقعد عايش مع الالبوم الجديد لمحمد فؤاد ويقولي الراجل لما كبر صوته بقه احلى وصوت المشحر ده بيدي نغمه وحبه هبل وانا بجد لما سمعت جزء من حسيت انه اغبي شريط له وانه قريب قوى من الشرايط الشعبية
وده رأيي
وهيه موضه شريط
تخاريف محمد
.......
شكرا على كلامك الجميل
جزاك الله خيرا
أمير الهدوء
.........
بطل نصب بلا بتفكر او ما تفكرش
انت كمان عاوز تسرق افكاري
:p
جزاكم الله خيرا على مرورك وردك الجميل
هو مش الغناء بالموسيقى كانت حرام قبل كدة عند الإخوان المسلمين
هو ايه اللى جرى؟
كنا زمان نسمع أغانى فرقة اليرموك و مش عارف ايه و كنا نقول صوت المرأة عورة
كله باظ بااااااااظ
الموسيقى كانت حرام و دلوقتى بقت حلال و الخمار كان هو الحجاب الشرعى عشان يخفى مفاتن المرأة دلوقتى مافيش مانع نستمتع بأحد مفاتنها و هو صوتها الجميل. بكرة واحدة من الأخوات تعمل شريط و نعملها دعاية كلنا
ما هى أولى برضه من فيروز و أصالة
احنا عاملين زى الأمم السابقة اللى كانوا متمسكين جدا بشرع ربنا لكن تطاول عليهم الأمد و مع مرور السنين تنازلوا شىء بعد شىء لغاية ما بعدوا تماما
يا خوفى ليكون بيحصلنا زى ما بيحصلهم
على فكرة أنا كمان بسمع اللى بتسمعوة
دى بس كانت خاطرة كده جاتلى قولت أبعبع بيها
بعد اذنك عشان ألحق أسمع أغنية أصالة من على مدونة أنا إخوان
آسف نسيت أذكر إسمى
محمد فقى
هو اول حاجة ليس في فقه الاخوان الإلتزام برأي معين في القضايا التي اختلف فيها العلماء
مادام هذا الشخص يعمل برأي أحد العلماء فالكلام ليس معه ولكن الكلام مع العالم الذي قال الرأي
ويكون راي الاخوان في هذا الموضوع نجتمع على ما اتفقنا عليه ونعذر بعضنا على ما اختلفنا فيه
تاني حاجة مين قال لحضرتك ان المدونة دي لمدون من مدوني الاخوان
دي مدونة لشخص مسلم مصري
ما كتبتش في التعريف بتاعي اني بنتمي للاخوان ولا لا ... ولا حتى قلت انا مين :)
يا راجل
دا أولا فضحت ثانيا خالص
هو فى حد يقول كلام كبير كده غير الإخوان
و بعدين نتفق فيما اختلفنا فيه دى :) مش بتاعة حسن البنا برضه
انت خايف ولا ايه يا عسكرى
أقف انتباه
والله موضوع أنا مين وعاوز ايه وفكري ايه
أنا حر في فكري عاوز اقول اقول مش عاوز مش هقول
ده على حسب ما انا عاوز اظهر به المدونة دي يمكن يا حاج عندي مدونة تانية بقول عليها انا مين ؟
ثاني حاجة والله الوعي السياسي بالاحزاب والجماعات المحيطة بيتوجب عليه اني اكون عارف كل تنظيم سياسي بيفكر ازاي وإلا معلش في الكلمة هبقى غبي لو بتكلم في السياسة وانا مش عندي علم بمين اللي بتكلموا وفكرهم عامل ازاي
علشان كده انا قريت كتاب عن الاختلاف بين الجماعات الاسلامية والكلمة اللي قولتهالك دي كنت قاريها في كتاب قبل كده
Post a Comment