مصر في عهد الصواريخ

ناس عايشة في عالم الاحلام وعمالة تقول لو لم أكن مصريا لوددت أن اكون مصريا

مصريا على ايه وعلى انهي نيلة

ده مصر لو بتتكلم كانت اتبرت منهم

هو ده غسيل المخ بتاع الاعلام

المصري الحقيقي ده ايام ثورة يوليو ايام حرب اكتوبر ايام العدوان الثلاثي

كان شعب لما يثور محدش بيقف قدامه

كان المصري ده ايام الحضارة اللي كانت من 7000 سنة طيب وبعد الـ 7000 سنة دول عملنا ايه ؟؟؟

ولا حاجة

طيب سيبوكوا من الحضارة والكلام الغريب ده

اقلها يا جماعة كان المصري لما يسافر بره يفتخر انه مصري ومحدش في العالم يقدر يكلمه لان بلده هتاخد له بحقه

مش دلوقتي فيلم فيديو لاسرى مصريين اليهود بيقتلوهم لما مجلس الشعب هاج الحكومة قعدت تدافع عن اسرائيل

والمصري اللي يموت بره مصر وترفض سفارة مصر انها تستقبل جثته وترجعها للبلد

والعلماء المصريين اللي تعبوا وكانوا محتاجين علاج بره ورفضت الدولة انها تسفرهم على حسابها

والمصري تتهان كرامته بره بلده ومحدش يدافع عنه

والامام المصري اللي اتضرب في انجلترا ومصر مش عملت حاجة

ولا صحيح كرامتنا مين اللي عاوزينها اذا كان جوه البلد بيقتلونا وبيدسونا بالجززززم واحنا مش بنتحرك ولا حتى بقدر نقولهم لا


معلش بقه نفكركم بكلمات أغنية لعبدالحليم حافظ اللي كان الشعب كلها بيغنيها في فترة من الفترات

راجع في المغربية شفت عنين الثوار نظرتهم فكرتني بالظباط الأحرار
شفت اجتماع سياسي كلماته نغم حماسي ولا فيش على قده كراسي من كتر ما فيه مالاااين
ملاااين الشعب تدق الكعب تقول كلنا جاهزين كلنا جاهزين كلنا جاهزين
يا أهلا بالمعاااارك


دلوقتي يا أهلا بالسلااام يا أهلا بالذل والهوان يا أهلااا بالإعتقال السياسي والفساد الإقتصادي والسرقة والنهب الرشاوي والوسايط والتزوير و الظلم والاهمال في التعليم والبحث العلمي والخصخصة و.. و.. و..

والسجن للاسلامين والعلمانيين والليباريين والاشتراكيين واي واحد يعارض الحكومة الرشيدة مهما كان انتمائه
وكل واحد ليه تهمته
الاسلامين استخدام الدين وقلب نظام الحكم واحياء نظام محظور ومحاولة الوصول للسلطة (حرام عليهم وحلال عليكم)
والعلمانين تزوير وثائق احزاب والاستعانة بامريكا
وهكذا

حتى القضاة اتضربوا بالجزم واتسجنوا

وكمان اعضاء مجلس الشعب

والمهندسين تحت الحراسة

والاطباء معتقلين

ورجال الاعمال معتقليين علشان بيغسلوا اموالهم بسافوا مش اريل للاسف

في مصر 70 مليون مصري مش ليهم اي لازمة

ولا واحد فيهم عنده الامكانيات انه يبقى الرئيس القادم في مصر غير واحد بس
اول حرف من اسمه (ج) ومراته اسمها خديجة ويعمل حرامي كبييير

يا أهلا بالرئيس الأب والأبن والحفيد

شعب رضي بالذل لا يستحق ان يعيش أو انه يكون شعب مصري