يا ترى يا ريسنا

يا ترى يا ريسنا يا عزيز يا صاحب المقام الكبير

بعد الشر بعد الشر عليك بعد عمر طوووووويل لو حصل اللي حصل

ممكن شعبنا يفتكرلك إيه حلو..

طيب جمال عبدالناصر مع ان في ناس كتير بتكرهه ومع ذلك كل الفلاحين بيحبوه وكذلك الدول العربية

وتلاقي الفلاح معلق صورة له أد كده وقاعد يحب فيه .. ما هو هو اللي اداله حته ارض بعد ما كان شغال أجير وبعد ما كان مملوك بقه مالك

والسادات على الرغم من الأخطاء اللي عملها في نهاية حكمة لكن الناس لسه فاكره له انه كان في عهد أكتر العصور حرية وديموقراطية واحساس بالشعب وطبعا حرب اكتوبر اللي كان عبقري فعلا في تخطيطها في انه يصنع من بقايا الاحتلال .. جيش يرأس اسرائيل على واحدة ونص

اما حضرتك يا كبيرنا والله الواحد مش عارف هيفتكرلك ايه ولا ايه
يمكن مشروع توشكى اللي نهبتم عليه فلوس اد كده وفي الاخر اترمى في الزبالة
ولا مستشفى 57357 اللي بقالها 10 سنين بتتعمل ولسه مش خلصت
ولا الطريق الدائرى الواسع الكبير
ولا ايه مش عارف
يمكن الاعتقالات والتعذيب والبهدلة .. مش عارف برده

ياااا ترى سايب ايه لبلدك تفتكركك بيه ايه؟؟ بعد عمر طويل لما تتوكل على الله..
؟؟
؟
؟


وفي سؤال دايما بيطرح نفسه

ايه اللى بيبوظ الحاكم ..نفسه ولا الشعب ولا الحاشية المقربة؟؟